Челябинск икълималъул азарханабаздаса виччан вуго гьенив вукIарав 52 чи чиясул цIикIкIунисел. Гьел рукIана метеорит гьаваялда кьвагьиялъул ва гьелъул кескал ракьалде рортиялъул хIасилалда батIи-батIиял, аслияб къагIидаялда рекарал гордузул цIурдуз къотIарал ругънал щварал гIадамал. Метеориталъул кескал ратарал Уралалъул федералияб унивеситеталъул гIалимзабаз рикIкIунеб буго гьелъул бухIичIого хутIараб 50-60 сантиметралъул аслияб кесек-Чебаркуль хIоринибе бортун бугин.