«Исламияб пачалихъ» абулеб террористияб гIуцIи тIагIинабизе бугин абуна Америкаялъул президент Барак Обамаца гьал къоязда телехитIабалда. Гьес улкаялъул ва тIолабго дунялалъул бусурбаби ахIулел руго радикалияб идеологиялдаса инкар гьабизе ва терроризмгун рагъулъ цолъизе. Гьебго заманаялда Чачанлъиялъул нухмалъулев Къадиров Рамзаница Инстаграммалда бугеб жиндирго гьумералдасан бусурбабазул улкабазул лидерал ахIана, гьес абухъе «исламияб дунял тIагIинабизе къваригIараб» Америкаялде данде цо фронтлъун рахъине.
