Breaking News

ЦIиял харбазул сервис (ЭР)

Автор ЦIиял харбазул сервис (ЭР)

Декабрь 03, 2015
ИГИЛалъул иргадулав къурбан - МахIамад ХIасиев

«Исламияб пачалихъ» абураб террористияб гIуцIиялъ интернеталда лъун буго Россиялъул шпион вугин абурав чи чIвай бихьизабураб видео. Нижер радияолъул журналист Антон Наумлюкица чIезабун буго, видеоялда вахъарав чи россиялъулав МахIамад ХIасиев вукIин. Версиялъул авторас абулеб буго, гьев унгоги Федералияб хасаб хъулухъалъул тIадкъай тIубазабулев вукIун ватизе бегьулин.
Ноябрь 17, 2015
Лъие къваригIун букIараб гьеб теракт?

ХIакъикъаталдаги Парижалда 150-ялдасаги цIикIкIун чи гIумруялдаса ватIа гьабураб тIадекIанцIилъул жавабчилъи жиндего тIаде босана Россиялда гьукъараб «Исламияб пачалихъ» абураб экстремистияб гIуцIиялъ.
Сентябрь 30, 2015
Россиялъул рагъулаб авиациялъ кьабиял щвезарулел руго исламистазул позициязда Сириялда

АрбагI къоялда Россиялъул Федерациялъул Мажлисалъ президент Владимир Путиние изну кьуна Сириялда Россиялъул рагъул къуватал хIалтIизаризе. Гьединаб гьаригун Россиялъул президентасде хитIаб гьабун букIанин Сириялъул президент Башар Асадицайин, лъазабуна журналистазда президентасул администрациялъул бетIер Сергей Ивановас.
Сентябрь 29, 2015
Пашманал гьумеразул кIалъа-басаял

Цолъарал миллатазул гIуцIиялъул Генералияб Ассамблеялъул 70-леб сессиялъул кулуаразда Россиялъул ва Цолъарал Штатазул президентал Владимир Путинилги Барак Обамалги гара-чIвариялъ гьабин абизе бегьулеб, беццизе бегьулеб хIасил кьечIин, рикIкIунеб буго цо-цо информалатаз. Гьеб гьезул пашманал гьурмаздасацин бихьулеб букIанин, хъвалеб буго цо-цо журналистаз.
Июль 15, 2015
Щиб Донбассалда къваригIун бугеб чачаназе?

Украиналъул машрикъалъул рахъалда унеб конфликталда гIахьаллъулеб рагIула чачаназул кIиго батальон. ТIоцебеселъе кьун рагIула Джохар Дудаевасул цIар. Гьелъул командир ГIиса Мунаев чIван рагIула дагьалъ цебе. КIиабилеб - Шейх Мансурил цIаралда батальон гIуцIун буго 2014 соналъул хаслихълъиялда.
Июль 01, 2015
Россия Грециялде регIун гьечIо

Москваялдаса хвасарсиялъул гор рехиялъул Афиназул хьулал гIададагосел ругин лъазабулеб буго экспертаз, жакъа Греция налъабазул дефолталде ккун букIин ракIалдеги босун.
Март 01, 2015
Дунялалда хIинкъиял цIикIкIунел руго

ВахIшияб зулмуялъул ва дискриминациялъул къурбаналлъун лъугьарал гIадамазул миллионазе 2014 сон букIанин вахIшияблъун. Амма гьелде халкъаздагьоркьосеб реакция яхI гьечIеб ва эффективияб гуреб букIанин, хъвалеб буго жиндирго санайилаб докладалда Amnesty International абураб инсанасул ихтиярал цIунулеб халкъаздагьокьосеб гIуцIиялъ. Документалда бихьизабун буго инсанасул ихтиярал цIуниялъул рахъалдаса 160 улкаялда бугеб ахIвал-хIал. Хасаб кIвар буссинабун буго Россиялдеги Совет Союз биххун рижарал цогидал пачалихъаздеги.
Январь 27, 2015
ООН: Мариуполалъул би жидеда бугел диваналда цере чIезаризе ккола

Цолъарал Миллатазул ГIуцIиялъул ХIинкъигьечIолъи цIуниялъул Мажлисалъул иргадулаб гуреб, Донбассалда ахIвал-хIал хIалуцин сабаблъун ахIараб данделъиялда генералияв секретарь хисулев Джеффри Фелтманица лъазабуна Мариуполалда кьаби ургъунго щвезабураб бугин ва гражданияб халкъ бугеб бакIалде кьвагьдарал тамихIалде цIазе кколин.
Январь 07, 2015
ТIадегIанасде гьариял Украиналъул конфликталъул фоналда

7 январалда православиял христианаз ГIиса-авараг гьавиялъул сордо кIодо гьабун гьатIаназда тIоритIулел диниял тадбиразда гIахьаллъана Россиялъул президент ва премьер-министр. Россиялдаги Украиналдаги диниял лидераз ТIадегIанасдаса гьарулеб букIана Украиналда унеб конфликт рагIалде бахъинабиялъе квербакъи.
Декабрь 22, 2014
Назарбаевас Россиягун Украина маслигIаталде ахIулел руго

Казахстаналъул президент НурсултIан Назарбаевас Киевалде бухьараб сапаралъул гIурхъабалъ Россиягун Украина ахIана Украиналъул машрикъалъул рахъалда бугеб конфликталъе ахир лъей ва Украиналъул территориалияб цолъи цIуни мурадалда компромиссал ратизе.
Ноябрь 27, 2014
Эболаялде данде вакциналъул гIадамазда халбихьун буго

ГIалимзабаз лъазабулеб буго Британиялъул компаниялъ Эболаялде данде вакцинаялъул хIалбихьиязул хIасилаз жидер лъикIал хьулал рижинарулел ругин. Гьеб вакцинаялъ инсанасул имуннияб системаялъе вирусалде данде чIезе ресал рагьулел ругин.
Ноябрь 13, 2014
Кинаб бугеб Россиялда санкциязул багьа?

Россиялъул халкъалъул цIикIкIунисеб бутIаялъул чвантаязда рагIунеб буго кванил нигIматазул багьа борхулеб букIин, амма гьез рахъ кколеб буго магърибалдаса къайиялъе лъазарурал санкциязул. Гьединаб пикруялде ячIун йиго гьеб суалалъул цIех-рех гьабулей йикIарай Эркенлъи Радиоялъул гIурус хъулухъалъул мухбир Евгения Назарецица «Левада-Централъул» эксперт Денис Волковгун гьабураб гара-чIвариялда.
Сентябрь 30, 2014
Чахъуги къваригIун, къурбанги бокьун...

4-6 октябралда бусурбабаз кIодо гьабизесеб Къурбан-къоялде хIадулъулел руго бусурбабазул дунялалда.
Сентябрь 09, 2014
Украиналдаса лъутизе ккаразе 100 гъурщил кумек

МоцIалъул байбихьуда Россиялъул хIукуматалъул буюриялда рекъон, Украиналда жидерго бакIал тун лъутизе ккарал гIадамазе Россиялъ гьабулеб буго гIарцул кумек. Шималияб Кавказалъул федералияб округалъул республикабазе биччалеб буго гIаммаб къагIидаялда 6 миллионгун 300 азарго гъурущ.
Сентябрь 08, 2014
Amnesty International: "Украиналда рагъулал такъсирал гьарулел руго".

Amnesty International абураб халкъаздагьоркьосеб инсанасул ихтиярал цIунулеб гIуцIиялъ лъазабулеб буго жидехъ ругин Украиналъул конфликталъул кIиябго рахъалъ, хIукуматалъул рахъ ккурал ва сепаратистазул яргъид гIуцIарал къокъабаз, рагъулал такъсирал гьариялъул «нугIлъиялин». Цадахъго гIуцIиялъ Россиялде гIунIтизабулеб буго конфликт хIалуцинабиялъул гIайибги.
Август 11, 2014
Армия хIадурлъулеб буго Донецк бахъизе

Украиналъул армия хIадурулеб рагIула Донецк ва Луганск шагьарал сепаратистазул къуватаздаса эркен гьабиялде.
Август 03, 2014
Кин бугониги, гьеб буго чияр улка

Россиялдаса фотограф Виктория Ивлева гIажаиблъун йигоан украиналъулазул жидер улкаялда бугеб кризисалде бугеб бербалагьиялда. Фесбукалда жиндирго гьудулзабаз бакIарараб гIарцуде гьей щвана Украиналде ва сапар бухьана майданалъул рахъ кколезда аскIосан Россиялдехун цIайи цIикIкIараб Украиналъул машрикъалъул рахъалде. Эркенлъи Радиоялъул гIурус хъулухъалъ гара-чIвар гьабуна Викториягун гьей Москваялде тIадюссун хадуб.
Июль 18, 2014
Лъица чIварав 298 чи?

Донецкалъул регионалда бортизабун буго Малайзиялъул авиалайнер «Боинг – 777». Хвана 298 чи. Лъида гIайиб бугебали гьанжеги мухIканго чIезабун гьечIо. Амма Москваялъ рикIкIунеб буго гьеб бугин Киевалъул хIалтIи. Киевалъин абулеб буго, гIагсалда, аэроплан Россиялъ бортизабунин. Версияби руго гIемер. МухIканаб жаваб кьезе бегьула лъиданиги бачIеб халкъазда гьоркьосеб цIех-рехалъул къокъа гIуцIани.
Май 08, 2014
Донецкалда "рагIун" гьечIо Путинил ахIи

Федерализация тIалаб гьабулезул лидераз хIукму гьабуна II маялде цIан бугеб Украиналъул машрикъалъул областазул лъиданиги бачIоголъиялда хурхараб референдумалъул болжал нахъе цIачIого тезе. Гьединаб ахIи гьабун букIана Россиялъул президент Владимир Путиница.
Май 05, 2014
Крымалъул татаразул лидеразе нухал къалел руго

Шамат къоялда Крымалде виччан гьечIо Крымалъул татаразул халкъалъул лидеразул цояв МустIапа Джемилев. Гьев дандчIвазе рачIарал Крымалъул татаразул нус-нус чияс гIорхъода гIуцIун буго протесталъул акция.

XS

SM

MD

LG