Цебе Мерабишвилие жиндиего телевидениялде щвезе бокьулеб букΙун батани, гьанже гьев чΙана гΙицΙго жибго телевизор тΙалабги гьабун, гьес лъазабун букΙана вакъун чΙеялъул кΙиго къо. Ахир-къадги гьесул камераялда лъуна телевизор ва гьес жиндирго акция чΙезабуна.
Бихьулелде балагьун кколеб буго, Вано Мерабишвилие ва гьесул рахъ кколезе 21 маялдаса, гьев ккуралдаса, бищунго кΙвар бугеб суаллъун телевидениялъухъ балагьизе рес щвей кколин. Польшаялдаса Европарламенталъул гΙахьалчи Кшиштоф Лисекица какана туснахъалъул администрация, телевизор гьечΙолъиялда бан Мерабишвилил рес букΙинчΙин дунялалда лъугьа-бахъунелда хадуб хал кквезеян, абун.
Туснахъалъул нухмалъиялъ доб мехалда лъазабуна, Мерабишвилил рес букΙанин газетал цΙализе. Гьевги кколин киналго гΙадав таснахъавин ва гьесие чΙезарун ругин киназего гΙадал шартΙалин.
Ι955 соналда риччарал Цолъарал миллатазул гΙуцΙиялъул рекомендациязда абулеб буго, туснахъазул рес букΙине кколин информация кьолел сурсатаздаса пайда босизеян. Амма гьезда гъорлъ телевизор рехсолеб гьечΙо. Европаялъул инсанасул ихтиярал цΙунулеб диваналъ (ЕСПЧ) пуланаб заманалда загьир гьабун букΙана гΙадатиял туснахъазул телевизор камераялда букΙине рес кьезе кколеб букΙиналъул пикру.
Вано Мерабишвили тΙоцевесев туснахъав гурев вакъун чΙеялъул ва цогидал къагΙидабазда туснахъалда ругел шартΙал лъикΙлъизари тΙалаб гьабурав. Мисалалаъе Австралиялда чΙвадарухъанас 20ΙΙ соналда вакъун чΙейялъул акция лъазабун букΙана гьединго Sony Playstation тΙалабги гьабун. Амма гьеб акция гьес чΙезабзе ккана ичΙго къоялдаса мурадалдеги щвечΙого.
Цебесеб соналда Норвегиялда 77 чи чΙварав Андерс Брейвикица хъвана туснахъалъул администрациялда тΙасан 27 тΙанчил гΙарза. Гьеб букΙана жиндие гуманитариял тΙалабазде данде кколарел шартΙал чΙезарун ругин абураб. Жиндие цΙорораб кофе кьолин, жиндие гьукъулин крем хΙалтΙизабизеян гΙарз гьабун буго гьес.
Руго чанги жидерго мурадазде щварал туснахъалги. Мисалалъе немцазул Бавариялда туснахъасе ресал рагьун руго пиво гьекъеялъул.
2007 соналда ЕСПЧялъ диваналъ, хъизаналъул гΙумру инсанасул аслияб ихтияр бугинги абун, тΙолабго гΙумруялъул туснахъ бихьизабурав чΙвадарухъанасе ихтияр кьун буго искусственнияб къагΙидаялда эменлъун вахъине.
Бихьулелде балагьун кколеб буго, Вано Мерабишвилие ва гьесул рахъ кколезе 21 маялдаса, гьев ккуралдаса, бищунго кΙвар бугеб суаллъун телевидениялъухъ балагьизе рес щвей кколин. Польшаялдаса Европарламенталъул гΙахьалчи Кшиштоф Лисекица какана туснахъалъул администрация, телевизор гьечΙолъиялда бан Мерабишвилил рес букΙинчΙин дунялалда лъугьа-бахъунелда хадуб хал кквезеян, абун.
Туснахъалъул нухмалъиялъ доб мехалда лъазабуна, Мерабишвилил рес букΙанин газетал цΙализе. Гьевги кколин киналго гΙадав таснахъавин ва гьесие чΙезарун ругин киназего гΙадал шартΙалин.
Ι955 соналда риччарал Цолъарал миллатазул гΙуцΙиялъул рекомендациязда абулеб буго, туснахъазул рес букΙине кколин информация кьолел сурсатаздаса пайда босизеян. Амма гьезда гъорлъ телевизор рехсолеб гьечΙо. Европаялъул инсанасул ихтиярал цΙунулеб диваналъ (ЕСПЧ) пуланаб заманалда загьир гьабун букΙана гΙадатиял туснахъазул телевизор камераялда букΙине рес кьезе кколеб букΙиналъул пикру.
Вано Мерабишвили тΙоцевесев туснахъав гурев вакъун чΙеялъул ва цогидал къагΙидабазда туснахъалда ругел шартΙал лъикΙлъизари тΙалаб гьабурав. Мисалалаъе Австралиялда чΙвадарухъанас 20ΙΙ соналда вакъун чΙейялъул акция лъазабун букΙана гьединго Sony Playstation тΙалабги гьабун. Амма гьеб акция гьес чΙезабзе ккана ичΙго къоялдаса мурадалдеги щвечΙого.
Цебесеб соналда Норвегиялда 77 чи чΙварав Андерс Брейвикица хъвана туснахъалъул администрациялда тΙасан 27 тΙанчил гΙарза. Гьеб букΙана жиндие гуманитариял тΙалабазде данде кколарел шартΙал чΙезарун ругин абураб. Жиндие цΙорораб кофе кьолин, жиндие гьукъулин крем хΙалтΙизабизеян гΙарз гьабун буго гьес.
Руго чанги жидерго мурадазде щварал туснахъалги. Мисалалъе немцазул Бавариялда туснахъасе ресал рагьун руго пиво гьекъеялъул.
2007 соналда ЕСПЧялъ диваналъ, хъизаналъул гΙумру инсанасул аслияб ихтияр бугинги абун, тΙолабго гΙумруялъул туснахъ бихьизабурав чΙвадарухъанасе ихтияр кьун буго искусственнияб къагΙидаялда эменлъун вахъине.
Дэйзи Синделар, Лука Каландаришвили (ЭР)
