МагъчIваялъе рес

Къасдал хIорго хутIана


МахIачхъалаялда "Справедливая Россия" партиялъул пресс-конференцияб 24Aпр2013

АрбагI къоялъ МахIачхъалаялда "Справедливая Россия" партиялъ рорхарал суалазда гьоркьоб цIияб жо щибниги букIинчIо.

Пресс-конференциялда рорхизе ругел суалазул цебеккун бицун букIаниги аслияб ахIи- хIур гьеб данделъиялда букIана республикаялъул нухмалъулев халкъияб мажлисалъ вищизе вугилан парламенталъ хIукму гьабиялда тIасан. Дагъистаналъул парламенталда цониги гьечIин халкъалъ гьаракьги кьун вищарав депутат гьезухъе щайин кьолареб ихтияр жидерго нухмалъулев вищизейилан ахIи-хIур базе лъугьана эссеразул вакил Расулов Руслан.

Аслияб дагIба гьесул букIана заманаялъ республикаялъул нухмалъулевлъун витIарав ГIабдулатIипов Рамазаниде. Гьесие бокьун букIарабани кIолаланин гьесда халкъалъ гьаркьалги кьун республикаялъулев нухмаалъулев вищулел рищиял тIоритIизе:

Расулов Руслан: «Нужеда киназдаго ракIалда батила республикаялъул нухмалъулевлъун вачIиналдего Рамазан ГIабдулатIиповас абулеб букIана жинца кидаго рахъ колин халкъиял рищиязулилан. Амма нухмалъулевлъун вачIун хадув гьес бугеб жигар кьуна республикаялда халкъиял рищиял тIоритIунгутIизе.

ТIалъиялде вачIун араб лъабго моцIида жаниб хIакимзаби хис хисун цояб хълухъалдаса цогидалъуре тIамун гурони гьес гьабураб цIияб жо ккечIо Дагъистаналда. Халкъалъул кIудияб божи букIана гьесде божи букIан гьес халкъиял рищиял тIоритIизе ратилиланги, амма гьезул къасдал хIорго хутIана.


Гьелда бан журналистаз кьуна суал киназадаго лъала гурищин республикаялда кинаб куцалъ рищиял унелали, жиддего бокьарав чиясе гьез гьаракь кьуниги тIалъиялде хасал чагIазе дандекколев гурони вачIунарелъулилан. Гьелъие жаваб Агъаларов Сардарица кьелин нужееян гьесдехун базабуна гьеб суал Расуловас.

Сардар ккола Югалъулаб Дагъистаналда бугеб миллияб культура цебетIезабиялъул рахъалъ централъул нухмалъулев. Гьесул халатаб кIалъаялдаса журналистазда бичIчIараб жо ккана халкъалъ гьаракьги кьун вищизе канани жеги цо лъагIалица заманялъ таварв нухмалхулев хIисабалда хIалтIизе кколин ГIабудлатIипов гьев халкъалдаги халкъ гьесдаги бихьизе

Гьесдаса хадув рагIи босарав табасаран мухъалдаса архитектор Къурбанов УстIархан абурав чи лъугьана жинда лъаларин републикаялъул нухмалъуде вачIаралдаса ГIабдулатIиповасул хIалтIуда жаниб лъугьараб цониги хиса-баси. ГIаксалда гьанжелъизегIан цониги чIвай-хъвей ккун букIинчIеб Табасаран мухъалда ГIабдулатIипов нухмалъуде вачIаралдаса 12 чи чIванин жидер гьенив абун.

Гьединго гIемерисез кIвар буссинабураб хIужалъун ккана президентасул кадровияб политикаялъул суалги. Республикаялъул нухмалъуде вачIунаго ГIабдулатIиповас абун букIанин хIукуматалъул жавабияб хъулухъалда тезегIлохъанал гьунар бугел чагIи гьечIилан халкъалдаги абун вачун жиндирго вас Каспийск шагьаралъул нухмалъулев хисулевлъун тIамиялъе гIилла щибилан хъудана цадахъ пресс-конференциялъул гIуцIарухъаби.

Гьеб куцалда цебеги чанго нухалда рагIараб амма хIасил кьолел гьечIел суалал цIигьарулаго цIакъго халат бахъунеб букIана гьеб конферениция. Цебекунго гьеб бичIчIараб кинигин республикаялъул аслиял информ алатаздасан цохIо «Черновик», «Настоящее время» ва «Республика» газеталъул вакилзаби гурони цогидал журналистал гьеб данделъиялде рачIун рукIинчIо.

XS
SM
MD
LG