МагъчIваялъе рес

АхIмад Чилиловасул рокъоб чIухь бана


19 июлалда низам цIунулез чIухь бана «Новое дело» газеталъул бетIергьан АхIмад Чилиловасул рокъоб.

Гьеб заманалда рокъор рукIун руго гIицIго Чилиловасул лъадиги ясги. Заманалдасан тIаде щун руго гьесул газеталъул хIалтIухъабиги. Гьез гьарун буго чIухь баялъе нугIзаллъун жал рихьизарейин. Амма низам цIунулез инкар гьабун буго. Гьез Чилиловасул рокъов валагьулев вукIун вуго гьесулго росуцояв – МухIамад Хазамов. Низам цIунулезул щаклъи буго журналистал Камалов ХIажимурадгун АхIмадилов ГIабдулмалик чIваялдехун гьесул хурхен букIиналда.

Низам цIунулез чIухь балеб заманалда Чилиловасул доре тIаде щун руго гьев бетIергьанаб газеталъул бетIерав редактор ХIажимурад СагIитов. Рокъов цогIаги бихьинчиги гьечIого чIухь базе биччазе разилъулей йикIун гьечIо АхIмад Чилиловасул яс. Амма чIухь бачIого низам цIунулел нахъе унгутIи бихьидал, дой ясалъ газеталъул редакторасухъе ахIун буго. ХIажимурад СагIитовас ЭР-лъе бицана жинцаги жидер хIалтIухъаналъги гьарулеб букIанин я журналистал хIисабалда, ялъуни нугIзал хIисабалда жалги риччайин гьенире жанире. Амма низам цIунулел разилъичIила.

Гьел рачIун рукIун руго Чилиловасул рокъов Хазамов МухIамад абулев чи вугищали балагьизе. Богатыревка абулеб росдал бегавуллъун вукIарав гьев гьанже цIех-рехалда вуго. Кидаяли Чилиловасул газеталда хIалтIулев вукIун вуго МухIамад Хазамов.

Хазамов МухIамад валагьиялда тIасан АхIмад Чилиловасулгун низам цIунулезул хабар ккун букIун буго гьеб къоялъул радалги. Амма гьелдаса хадурги чIухь базе гьел рачIиналъе гIилла бихьулеб гьечIо ХIажимурад СагIитовасда.

1. СагIитов ХIажимурад

please wait

No media source currently available

0:00 0:00:16 0:00
Интернет-мухъ

«Кавказпрессалда» кьураб гьеб баян такрар гьабулеб буго «Кавказская политика» сайталъги. Гьениб хъвалеб буго Чилиловасул доре тIаде щварал журналистазги инсанасул ихтиярал цIунулезги квалквал гьабулеб букIанин чIухь баялъе. Амма тIоцебе гьеб баян къватIибе кьураб «Кавказпрессалъ» гьелъул хIакъалъулъ щибго хъван гьечIо.

Гьедин кисан босун хъван батаниги, «Кавказская политикаялъ» жидеде гIунтIизабулеб гIайибалъе гьадин жаваб кьолеб буго ХIажимурад СагIитовас.

2. СагIитов ХIажимурад

please wait

No media source currently available

0:00 0:00:53 0:00
Интернет-мухъ

«Новое дело» газеталъул бетIергьан АхIмад Чилиловасул рокъоб чIухь баялъул хIакъалъулъ баянал кьурал сайтазда лъун руго чIухь балеб мехалда гьенире рачIарал ХIажимурад Сагитовасулги гьесул хIалтIухъан РахIимат Адамовалъулги суратал. Жидер ихтяирал цIунизе кколел идарабазул хIалтIухъабаз гьел хвезариялъул магIна бичIчIулеб гьечIо ХIажимурад СагIитовасда.

3.СагIитов ХIажимурад

please wait

No media source currently available

0:00 0:00:27 0:00
Интернет-мухъ

МухIамад Хазамовасда цадахъго низам цIунулез валагьулев вуго МухIамад АбихIасановги. Гьел кIиялгоги, цевехун бицен гьабурав Чилиловги, дол чIварал журналистал – Камаловгун АхIмадиловги ккола цо росулъа гIадамал.

XS
SM
MD
LG