2004 соналъул 1 сентябралда чачаназул ва гъалгъаязул яргъидгlуцlараз гъоркьлъалие босун букlана Шималияб Осетиялъул Беслан шагьаралъул школа. Гьенир чанго къоялъ лъимцин кьечlого гъоркьлъалие ккун вукlана цlалдохъабигун, мугlалимзабазул ва 1 сентябралъул байрамалде школалде рачlун рукlарал улбузул 1100 чи. Лъабабилеб сентябралда Россиялъул аскаразул хасал къуватаз гьужум гьабун эркен гьабула гьеб школа. Гьелъул хlасилалда хвана 330 чи. Чlван вукlана цо хутlизегlан гьел гъоркьлъалие росун рукlаралги. Гьеб трагедия ккун 10 соналдасан Бесланалде щвана корреспондент Том Балмфортги фотограф Диана Маркосянги.
Беслан 10 соналдасан
1
Бесланалъул №1 школалда хварав 300 чиясул суратал ран руго гьел гъоркьлъалие ккун рукlараб спортзалалъул къадазул хутlелазда. Гьезулги 186 буго лъимералъул сурат. Гlагараз гьенире жегиги росун рачlунел руго расанкlаби.
2
Качмазова Аминае 2004 соналъул 1 сентябралда букlана 8 сон. Гьелда цадахъ гьеб къоялъ рукlарал гьелъул гьалмагъзаби Лейлаги Алинаги гьенир хвана. Аминал цояб бералъе жагъаллъи ккана. Гьанже гьей цlалулей йиго Владикавказалъул университеталда.
3
Заман чlун буго Кокова Оксана къижулей йикlараб рокъоб. Гьелъул эмен Русланица гьеб рокъобе нуцlа кидаго рагьун букlуна. Лъабабилеб къоялъ школалда кьвагьи бахъараб мехалда Оксанада бажарула гьениса лъутизе, амма гьей нахъеги гьение тlадюссуна хутlаразе кумек гьабизе ва гьений чlвала. Оксанада лъикl лъаан каратэ ва гьелъие бокьулаан спорт. Инсуда ва вацасда цадахъ гlумру гьабулей Оксанаца бачунеб букlана гьезул рукъ-магlишатги. Оксанае букlана 15 сон.
4
"Дида ккола гьей нижеда аскlой йигин",-гьедин абула 63 сон барав Коков Русланица жиндир яс Оксанал хlакъалъулъ. Гьей гьаюраб къолъун букlараб 1 сентябралда гьес ва гьесул вас 27 сон барав Урузмагица кидаго кlодо гьабула гьеб къо Оксанае бокьулеб букlараб квенги столалда лъун. Школалда гьужум унаго гьесул кlиго гордуялъул цlурдул рекун рукlана. Гьес гьел жеги лъун гьечlо.
Категориял
- Мультимедиа
- МатIу
- Видео
- Нужер видео ва суратал
