МагъчIваялъе рес

Анжи жакъа кигlаналде бугеб?


Сулейман Керимов, Махlачхъала, 02Дек2012
Сулейман Керимов, Махlачхъала, 02Дек2012

МахIачхъалаялъул «Анжи» гьеб футболалъул клубалъул хважанин Сулейман Керимовас бичулеб букIиналъул хабар буго тIибитIун буго гьал къоязда. Официалияб куцалъ тасдикъ гьаричIел баяназда рекъон, абулеб буго Дагъистаналдаса бизнесчияс клуб бичулеб бугин «Сумма» компаниялъул хважаинзаби вацал МухIамдовазейин. БитIараб бугищ гьеб баян ва кинал хиса-басиял рукIине бегьулел командаялда жанир гьел харбал уяллъани?

Мах1ачхъалаялъул «Анжи» команда клубалъул хважанин Сулейман Керимовас бичулеб бук1иналъул хабар буго т1ибит1ун. Официалияб куцалъ тасдикъ гьарич1ел баяназда рекъон абулеб буго Дагъистаналдаса бизнес чияс клуб бичулеб бугин «Сумма» компаниялъул хважаинзаби вацал Мух1амадовазе. Бит1араб бугиш гьеб баянал ва кинал хиса-басиял рук1ине бегьулел командаялда жанирали ц1ех-рех гьабуна «Эркенлъиялъ»

Нужеда лъалищ кват1ич1ого Керимовас Анжи клуб бичизехъин бук1ин?. Гьединаб баян къват1ибе кьолеб буго «Эхо Мосвкы» радиоялъулгун бук1араб гара-ч1вариялда политолог Станислав Белковскияс. Гьелъул маг1на кколин Керимовасул цебе бук1араб г1адаб къимат гьеч1ин Дагъистаналдаян абулеб буго политологас.

«Эркенлъи» радиоялъ ц1ех-рех гьабуна гьеб баяналда сверухъ. Анжиялъул официалияб нухмалъиялъухъа кинал ругониги банял ниже щвеч1о. Клубалъул пресс-хъулухъалъ телефон борхич1о ах1идал.

Гьединаб хабар цебегоялдаса нахъе бугин хьвадулебилан бицана «Анжи-Спорт» газеталъул редактор Г1амирх1амзаев Гьиматица, амма киг1ан бит1араб гьеб баян бугебали ч1ван-къот1ун жинда абизе к1оларилан мук1урлъана гьев. Гьиматица рик1к1унеб буго гьел хабарал рижун ратизе бугьулин Керимвасул бизнесалда ва политикаияб х1аракатчилъиялда сверухъ зах1малъаби раккидал.

Исана риидал рак1алдаго гьеч1ого г1адин к1удиял хиса-басиял ккана клубалда жанир. Ц1акъго к1удияб багьаги кьун командаялде росун рук1арал къват1иса х1укуматалдаса машгьурал футболистал нахъе ана командаялдаса. Аублеб бук1ана гьез букине кколеб х1ай бихьизе гьабич1еб мехалъ Керимовас х1укму гьабун бугин гьел нахъе рачахъизе. Клубалъул ц1ияв тренерлъун вач1ана цевеги гьелъул вук1арав насих1атчи Х1ажи Х1ажиев.

Гьес лъазабуна команда бат1ияб нухалъ ине бугин. Хири-хириял футболистал росун гуреб, ругезда г1ей гьабун лъик1аб х1айги бихьизабун. Лъик1ал х1асилалги рук1ине ругин божизарулел рук1ана. Амма х1асилал рихьулелго гьеч1о, хашал гурони. Т1ат1алаго т1орит1арал х1аяздул цонигиялда бергьинч1ого Анжи гьабсаг1ат буго турниралъул таблицаялъул ахирисеб бак1алда. Амма аслиял бергьенлъаби Анжиялъул жги цере ругилан рик1к1унеб буго Гьиматица:

Гьимат Г1амирх1амзаев « Керимовас бичаниги бичич1ониги клуабалъе хисизе жо гьеч1илан ккола дида, квешго рак1ч1ун бук1ине гьеч1о. Гьел хабарал церегоялдаса руго хьвадулел. Дир х1исабалда гьел хурхарал руго Керимовасул бизнесалда жанир лъугьарал зах1малъабазда хадуб. Хабар киг1ан уяб бук1ин бугебали рак1ч1ун лъаларо, гьелъие далилал гьеч1елъул. Амма дида ккола ахирги гьедин ккезеги ккелин, Керимовас клуб бичиялде бач1унеб г1адин буго иш. Официалияб куцалъ гьеб баян кинаха тасдикъ гьабиле, гьеб гьабулев чиги ватуларо гьабсаг1аталда. Амма хасалоде гьединаб хиса-баис ккеялде щаклъи буго».

Нижеца ц1ех-рех гьабуна гьединго Анжиялъул фан клубалъул вакилзабигунги. Гьиматицаго г1адин Керимовас клуб вацал Мух1амадовазе бичулеб букиналъул хабар цебего бугин Дагъистаналда бицунеб, амма уяб бук1ин лъицаниги тасдикъ гьабулеб гьеч1илан бицана Эркенлъиялъе «Акула Каспия» абураб Анжиялъул фан-клубалъул цевехъан Г1абдулаев Султ1аница. Амма бит1араб бицани жидее Керимовго хут1улевани клубалъул хважаинлъун бокьилаанилан мук1урлъана гьевги. Анжи командаялда г1агараб заманалда рук1ине бегьулел хиса-басиязул цо балъголъиги рагьана гьес ниже:

Г1абдуллаев Султ1ан: «Киназего бокьун буго Керимов вук1ине клубалъул бет1ерлъуда. Гьединго руго хабарал Керимовас ц1иял футболистал росизе ругин клубалдеян. Цере рук1арал Это, О, Жирков г1адал багьаял футболистал рук1ине гьеч1о гьел. Гьел рукине руго рекъараб багьаялда командаялде рач1инеги разилъулел, лъик1аб х1айги бихьизабун бажарулел г1олохъаби.

Мисалалъе, абулеб буго гьел ругин Сербиялдаса, Румыниялдаса г1адал пачалихъаздаса футболистал. Живго Кериовас клуб бичизе бугилан абураб хабар фан клубалъ разиго къабул гьабилищха. Т1адехун абухъе киназего бокьун гьеч1о гьев нахе ине. Амма гьев аниги, ц1ияв вач1аниги фанклубалъул вакилазабаз комнада рехун тезе гьеч1о. Нухмалъулел рач1уна, уна, фанатал абуни думалъго г1агараб клубалъе божараллъун рук1ине ккола, гьедин бук1инеги буго ИншаАллагь».

Керимовас клуб бичизе бугилан абулел вацал Мух1амадовал рик1к1куна гьесул бизнес-аренаялда жанир аслиял конкуренталлъун.

XS
SM
MD
LG