Спортивиял тайпабазда гьоркьоб Дагъистаналда бищун машгьураблъун ккола эркенаб гугари. Кинавниги 12 олимпиялъул чемпион вуго гьабсагIаталъ Дагъистаналда. Гьаб нухалда гьеб цIаралъе мустIахIикълъизе рес буго кIигоясул, гьел ккола бакIаб цIайиялда цере рахъунел ГIабдусалам ХIадисов ва Билал Махов. Амма цIикIкIун руго батIияб пачалихъалъул хIукуматазе гIололъун цере рахъине ругел дагъистаналдаса легионеразул къукъаги.
Цересел соназда дандеккун исана гьезул къадар бищунго цIикIкIараб бугин хъвалеб спортивиял интерент сайтазда БатIи-батIиял пачалихъазул байрахъалда гъоркь Лондоналда тIоритIизесел хIаязда гIахьаллъизе вуго кинавниги Дагъистаналъул 12 гугарухъан.
ГIаммаб куцалда гьеб бараб бугин республикаялда эркенаб гугариялда жаниб кIудияб конкуренция букIиналъилан бицана Эркенлъи радиоялъе Билал Маховас. КигIанго церетIурал спортсменал ругониги киназулго гурин рес щолеб жидерго пачалихъалъул команадаялда цадахъ олимпиялъул хIаязда гIахьаллъизеян абуна гьес.
БатIияб командаялда гъорлъ гIахьалъиялъе рукIине бегьула цогидалги гIиллаби. Мисалалъе цогидаб пачалихъалъ легионерасе жиндирго ватIаналда кьолелдасаги цIикIкIун кьезе бегьула мухь. Нижеца гьеб суалги кьуна Билал Маховасе, амма гьес рикIкIунеб буго гIарац цIиIкIкун щвеялъул мурадалда легионерлъун батIияб пачалихъалде Дагъистаналъул спортсменал унин кколарин жиндаян.
Спорталда гьес бихьизабураб хIасилалда рекъон гьесие лъикIаб гIарац рокъобги щолилан абуна гьес Дагъистаналъул гугарухъабазул гIицIго кIигоязе гурони щайин рес щвечIеб Лондоналде инеян гьикъидалги, гьес абуна цересел олимпиадаялда гIахьаллъи гьабурал спортсменазул бакIалда рачIине хIадурал гьунар бугел гIолилал рукIинчIин гьаб нухалъ республикаялдаян.
Билал Махов: «Спорт бокьулел ругьунлъун руго гугариялъул рахъалъ санайил щуго-анлъгониги чи Олимпиадаялда гIахьаллъулев вукIиналде. Амма кидаго гурелъулха гьедин букIунеб. Спорталда жаниб жидерго карьера рагIалде бахъинабулезул бакIалде рачIине мустIахIикъал гIадамал рукIинчIо гьаб нухалъ. Хадусеб олимпиадаялде цIиял спортсменаз хIаракат бахъилин ккола гьенир Дагъистаниязул цIикIкараб къадар букIиналъе. Гьаб нухалъ ккана гьедин, чIахIияб ригьалъул спортсменазул бакI кквезе хIадурал гIолохъаби рукIинчIо».
Дагъистаналъул тIасабищараб командаялъул бетIерав тренер Сажид Сажидовасги такрар гьабуна гьебго пикру ЭР-ялъе ва тIаде жубана бачIунеб ункъо соналда жаниб гьединазул къадар цIикIкIинабизе хIаракат бахъилилан.
Гугариялъул къецал Лондоналда байбихьизе руго авугсталъул щуабилеб къоялъ.ТIоцере ургуялде рахъине руго греказулгун- румазул гугариялъул вакилзаби. Хадур рукIине руго эркенаб гугариялъул къецал. ГьабсагIаталда Дагъистаналъул тIасабищараб команда тренировкабазда, Кисловдскиялда буго. Лондоналде ине гьел къватIире рахъине руго августалъул микьабилеб къоялъ.
(МахIач ЧIанкIалаевас рахъарал суратал).
Цересел соназда дандеккун исана гьезул къадар бищунго цIикIкIараб бугин хъвалеб спортивиял интерент сайтазда БатIи-батIиял пачалихъазул байрахъалда гъоркь Лондоналда тIоритIизесел хIаязда гIахьаллъизе вуго кинавниги Дагъистаналъул 12 гугарухъан.
ГIаммаб куцалда гьеб бараб бугин республикаялда эркенаб гугариялда жаниб кIудияб конкуренция букIиналъилан бицана Эркенлъи радиоялъе Билал Маховас. КигIанго церетIурал спортсменал ругониги киназулго гурин рес щолеб жидерго пачалихъалъул команадаялда цадахъ олимпиялъул хIаязда гIахьаллъизеян абуна гьес.
БатIияб командаялда гъорлъ гIахьалъиялъе рукIине бегьула цогидалги гIиллаби. Мисалалъе цогидаб пачалихъалъ легионерасе жиндирго ватIаналда кьолелдасаги цIикIкIун кьезе бегьула мухь. Нижеца гьеб суалги кьуна Билал Маховасе, амма гьес рикIкIунеб буго гIарац цIиIкIкун щвеялъул мурадалда легионерлъун батIияб пачалихъалде Дагъистаналъул спортсменал унин кколарин жиндаян.
Спорталда гьес бихьизабураб хIасилалда рекъон гьесие лъикIаб гIарац рокъобги щолилан абуна гьес Дагъистаналъул гугарухъабазул гIицIго кIигоязе гурони щайин рес щвечIеб Лондоналде инеян гьикъидалги, гьес абуна цересел олимпиадаялда гIахьаллъи гьабурал спортсменазул бакIалда рачIине хIадурал гьунар бугел гIолилал рукIинчIин гьаб нухалъ республикаялдаян.
Билал Махов: «Спорт бокьулел ругьунлъун руго гугариялъул рахъалъ санайил щуго-анлъгониги чи Олимпиадаялда гIахьаллъулев вукIиналде. Амма кидаго гурелъулха гьедин букIунеб. Спорталда жаниб жидерго карьера рагIалде бахъинабулезул бакIалде рачIине мустIахIикъал гIадамал рукIинчIо гьаб нухалъ. Хадусеб олимпиадаялде цIиял спортсменаз хIаракат бахъилин ккола гьенир Дагъистаниязул цIикIкараб къадар букIиналъе. Гьаб нухалъ ккана гьедин, чIахIияб ригьалъул спортсменазул бакI кквезе хIадурал гIолохъаби рукIинчIо».
Дагъистаналъул тIасабищараб командаялъул бетIерав тренер Сажид Сажидовасги такрар гьабуна гьебго пикру ЭР-ялъе ва тIаде жубана бачIунеб ункъо соналда жаниб гьединазул къадар цIикIкIинабизе хIаракат бахъилилан.
Гугариялъул къецал Лондоналда байбихьизе руго авугсталъул щуабилеб къоялъ.ТIоцере ургуялде рахъине руго греказулгун- румазул гугариялъул вакилзаби. Хадур рукIине руго эркенаб гугариялъул къецал. ГьабсагIаталда Дагъистаналъул тIасабищараб команда тренировкабазда, Кисловдскиялда буго. Лондоналде ине гьел къватIире рахъине руго августалъул микьабилеб къоялъ.
(МахIач ЧIанкIалаевас рахъарал суратал).
