Эгембердиевас абуна Эркенлъи Радиоялъе жинца жиндиего боркьун гIарза кьунин улемазул ай гIалимазул Шураялде талат къоялдайин.
Эгембердиевги гIолохъанай цо гIаданги жинсиял гьоркьорлъабазда ругеб видео Интернеталда тIибитIизабун букIана ЦIияб соналъул сардилъ.
Гьеб видеоялъе баян кьолаго Эгембердиевас абун буго гьей йигин магьариги лъун ячарай жиндир лъадийин. Хъиргъизстан гIадинал гIемерал лъудби рачине гьукъараб улкаялда бихьиназ балъго магьариги лъун рачуна лъудби.
Протесталъул акциязде рахъараз абуни чIезабулеб букIана Эгембердиевасда аскIой йикIарай гIадан гьесул лъади гуреблъи.
Эркенлъи Радиоялъе кьураб интервьюялда талат къоялда Эгембердиевас абуна гьев видео бахъун букIанин жиндаги лъачIого. Гьеб бахъарал гIадамалги ругин диналъул суалазда тIасан хIукуматалъул клмиссиялъул нухмалъулев ГIабдулатIип Жумаевасде гIагарал чагIийин.
Эгембердиев: «Гьеб букIана ургъунго гьабураб иш. Дун суризавуна гьез дир хасаб гIумру дунялалдаги гьурщун. Гьединаб вахIщилъи гьабуна дие. Дида лъала гьеб ургъунго гьабураб жо букIин.Дица магьариги лъун ячарай гьей лъади гьанже азарханаялда йиго».
Жумабаевас абуна Эркенлъи Радиоялъе Эгембердиевасда гIунтIизарулел ругел гIайибазул гIураб кьучI бугин.
Живго Эгембердиевас нижер радиоялъе кьураб интервьюялда улкаялъул президент Алмазбек Атамбаевасда гьарулеб букIана гьеб ишалда гьоркьове лъугьине ва гьесул ихтиярал цIунизе.
Эгембердиев: «Гьеб лъугьа-бахъиналъул мухIканаб цIех-рех гьабизе ккола. Дица гьанжеялде гIарза хъван буго низам цIунулел идарабазде гьеб ишалъул цIех-рех гьабейин. Гьез абулеб батани гьаб улкаялъул гражданазул ихтиярал цIунун ругин, гьел цIунун рукIиналъе гарантияги батани, нижер ихтиярал цIунун рукIинеги ккола».
Талат къоялда Хъиргъизстаналъул гIалимазул Шураялъ Эгембердиевасул бакIалда ай заманалъ республикаялъул муфтийлъун тана гьев хисулевлъун вукIарав Максат Токтомушев.
ЦIияв муфтий вищизе ккола Хъиргъизстаналъул бусурбабазул съездалда 8 февралалда.
Эгембердиев ккола Хъиргъизстаналда ункъго соналда жаниб батIи-батIиял скандалазда бан хисарал муфтиязул микьабилев. Эгембердиев муфтийлъун вищун вукIана 2012 соналъул декабралда щуго соналъул болжалалда. Гьеб мехалдаги рукIана гьес магъалоял кьолел гьечIин абурал харбал.
Эгембердиевги гIолохъанай цо гIаданги жинсиял гьоркьорлъабазда ругеб видео Интернеталда тIибитIизабун букIана ЦIияб соналъул сардилъ.
Гьеб видеоялъе баян кьолаго Эгембердиевас абун буго гьей йигин магьариги лъун ячарай жиндир лъадийин. Хъиргъизстан гIадинал гIемерал лъудби рачине гьукъараб улкаялда бихьиназ балъго магьариги лъун рачуна лъудби.
Протесталъул акциязде рахъараз абуни чIезабулеб букIана Эгембердиевасда аскIой йикIарай гIадан гьесул лъади гуреблъи.
Эркенлъи Радиоялъе кьураб интервьюялда талат къоялда Эгембердиевас абуна гьев видео бахъун букIанин жиндаги лъачIого. Гьеб бахъарал гIадамалги ругин диналъул суалазда тIасан хIукуматалъул клмиссиялъул нухмалъулев ГIабдулатIип Жумаевасде гIагарал чагIийин.
Эгембердиев: «Гьеб букIана ургъунго гьабураб иш. Дун суризавуна гьез дир хасаб гIумру дунялалдаги гьурщун. Гьединаб вахIщилъи гьабуна дие. Дида лъала гьеб ургъунго гьабураб жо букIин.Дица магьариги лъун ячарай гьей лъади гьанже азарханаялда йиго».
Жумабаевас абуна Эркенлъи Радиоялъе Эгембердиевасда гIунтIизарулел ругел гIайибазул гIураб кьучI бугин.
Живго Эгембердиевас нижер радиоялъе кьураб интервьюялда улкаялъул президент Алмазбек Атамбаевасда гьарулеб букIана гьеб ишалда гьоркьове лъугьине ва гьесул ихтиярал цIунизе.
Эгембердиев: «Гьеб лъугьа-бахъиналъул мухIканаб цIех-рех гьабизе ккола. Дица гьанжеялде гIарза хъван буго низам цIунулел идарабазде гьеб ишалъул цIех-рех гьабейин. Гьез абулеб батани гьаб улкаялъул гражданазул ихтиярал цIунун ругин, гьел цIунун рукIиналъе гарантияги батани, нижер ихтиярал цIунун рукIинеги ккола».
Талат къоялда Хъиргъизстаналъул гIалимазул Шураялъ Эгембердиевасул бакIалда ай заманалъ республикаялъул муфтийлъун тана гьев хисулевлъун вукIарав Максат Токтомушев.
ЦIияв муфтий вищизе ккола Хъиргъизстаналъул бусурбабазул съездалда 8 февралалда.
Эгембердиев ккола Хъиргъизстаналда ункъго соналда жаниб батIи-батIиял скандалазда бан хисарал муфтиязул микьабилев. Эгембердиев муфтийлъун вищун вукIана 2012 соналъул декабралда щуго соналъул болжалалда. Гьеб мехалдаги рукIана гьес магъалоял кьолел гьечIин абурал харбал.
