Гьадин бицана Дагъистаналъул пачалихъияб университеталъул гIолилазул идараялда. Гьенисан щварал баяназда рекъон, Дагъистаналъул гIолилазул мурад рагIула Россиялъул футболистазул рахъ кколеб букIин загьир гьаби ва гьел Европаялъул чемпионаллъун рахъин гуребги, Дагъистан Россиялъул цо бутIа букIин бихьизабиги.
Футболалъул рахъалъ Европаялъул чемпионаталъул бицани, I2 июналда Польшаялъул ва Россиялъул тIаса рищарал командабазда гьоркьоб букIараб хIай лъугIана I:I хIисабгун. Амма хIасил бащадаб кканиги, Россиялъул командаялъул рес буго жидерго къукъаялдаса къватIире рорчIизе ва хIатта бащадаб финалалде рорчIизецин абун бицана «ХIакъикъат» газеталъул спортивияв мухбир ХIасанов Темирханица.
ХIасанов Темирхан: «Футболалъул рахъалъ Европаялъул чемпионаталда Чехиялъулгун букIараб тIоцебесеб хIаялда Россиялъул тIаса бищараб командаялъ бихьизабуна техникияб ва тактикияб къагIидаялъ рагIа-ракьанде щвараб тIадегIанаб даражаялъул хIай. Футболалъул экспертаз тIоцебесеб туралъул бищунго къуватаблъунги рикIкIана гьеб хIай. Амма кIиабилеб туралда Польшаялъул командагун хIалаго кIвечIо Россиялъул командаялда чехазулгун гIадинаб хIай бихьизабизе.
Дир хIисабалда, гьелъие гIилла буго Польшаялъул команда рокъоб хIалеб букIин ва гьелде тIадеги нилъер командаялъ гьезул хIаялъул къуват рикIкIинчIолъи. Абизе бегьула гьеб хIаялда Польшаялъул командаялъ ахирияб рухI майданалда танингицин. Техникияб къагIидаялъ загIипабго букIаниги физическияб къагIидаялъ къвакIараб команда буго поляказул.
Щибаб спорталдаго гIадин футболалдаги рукIуна санагIат гьечIел дандиял, гьединаблъун букIанин абизе бегьула Россиялъе Польшаги. РакIалде ккола Россиялъул команда группаялдаса къватIибе борчIилин абун. Гьел гьабсагIат 4 очкогун жидерго къукъаялъул таблицаялда тIоцебесеб бакIалда руго».
МахIачхъалаялда гIолилаз тIобитIараб тадбиралъул бицани, футболалъул рахъалъ Россиялъул тIаса бищараб командаялъул рахъкквей загьир гьаби гуребги, Дагъистаналъул гIолилаз МахIачхъалаялда тIобитIараб акциялъул мурад букIана Россиялъул къо кIодо гьабиялда бан жидерго разилъи загьир гьабиги. Журналист МухIамадова Асиятил гьадинаб пикру буго гьелда бан.
МухIамадова Асият: «ХIакъикъаталдайин абуни, кIудияб улкаялдехун жидерго бугеб бербалагьи батIи-батIияб куцалда бихьизабула дагъистанияз. Щайгурелъул, республикаялда ругелъулха МугIрузулаб улка жибго жиндаго чIараблъун букIине бокьаралги.
ГIолилазда гьоркьоб гIемер бицунеб рагIула Россиялдаса Кавказ батIалъани лъикI букIинилан абулел харбал. Амма дир хIисабалда, гьел ккола къватIисел тушбабазул мурадал тIуразелъун риччалел харбал. Россиялдаса Кавказ ялъуни хас гьабун Дагъистан батIалъани, нилъер гIумру-яшав нахъе ккезе буго. Щайгурелъул, нилъер гьечIелъулха я цебетIураб экономика, я промышленность, ялъуни политика.
Гьедин кканигицин нилъер ракьалдаги тIабигIиял сурсатаздаги бер лъезе буго цогидал къватIисел пачалихъаз. Дида ккола Россиялда цадахъ гурони Дагъистаналъул батIияб къисмат гьечIилан».
Журналист МухIамадова Асиятица бицухъе, кавказияздехун ва гьездаго гьоркьоб дагъистанияздехунги Россиялъул цо-цо шагьаразда гьабулеб бербалагьи рагIула ургъунго информациялъулал алатаз понцIозабураб, цо щиб бугониги ккани гьеб гIочIода чIван бихьизеги гьабулила.
МухIамадова Асият: «Кин батаниги СМИяздасан буго кавказияздехун рокьукълъи загьир гьабиялъул хIужаби. Гьебги буго заманалъулаб иш».
Журналист МухIамадова Асиятица бицухъе, цо-цоязда гьоркьоб кколеб кинаб бугониги хIалуцин миллатазда бухьинабичIого теялъе хIалтIи гьабизе ккелила улкаялъул ва регионазул нухмалъулез.
«ХIакъикъат» газеталъул спортивияв мухбир ХIасанов Темирханил рагIабазда рекъон, миллиял тунка-гIусиял камураб улка-ракь къанагIатги рагIуларо ва хасго гьединал хIужаби загьирлъулила спортивиял къецал тIоритIулелъул.
ХIасанов Темирхан: «Хал гьабе, футболалъул чемпионат тIобитIулелъул Польшаялдаги кколел руго цо-цо гъалмагъирал. ХIаялъухъ балагьизе рачIарал россиялъулаздаги польшаялъулаздаги гьоркьоб ккана гьединабго тунка-гIуси. ХIатта Польшаялда бугеб Россиялъул посольствоцин буго цебеялдаса гIемерго цIунун. Гьениб болельщиказда гьоркьоб бугеб спортивияб къеркьей цо-цояз хIаракат бахъулеб буго политикиял мурадазе гIоло хIалтIизабизе».
Нижергун гара-чIвари ккараз лъазабухъе, гIолилаз МахIачхъалаялда тIобитIараб тадбирги рагIула гIицIго Россиялъул футболалъул тIаса бищараб командаялъул рахъкквей гуребги, жалги россияналлъун кколеблъи бихьизаби ва улкаялъул рохел ва пашманлъи щивасе гIахьалаб букIин загьир гьаби.
Футболалъул рахъалъ Европаялъул чемпионаталъул бицани, I2 июналда Польшаялъул ва Россиялъул тIаса рищарал командабазда гьоркьоб букIараб хIай лъугIана I:I хIисабгун. Амма хIасил бащадаб кканиги, Россиялъул командаялъул рес буго жидерго къукъаялдаса къватIире рорчIизе ва хIатта бащадаб финалалде рорчIизецин абун бицана «ХIакъикъат» газеталъул спортивияв мухбир ХIасанов Темирханица.
ХIасанов Темирхан: «Футболалъул рахъалъ Европаялъул чемпионаталда Чехиялъулгун букIараб тIоцебесеб хIаялда Россиялъул тIаса бищараб командаялъ бихьизабуна техникияб ва тактикияб къагIидаялъ рагIа-ракьанде щвараб тIадегIанаб даражаялъул хIай. Футболалъул экспертаз тIоцебесеб туралъул бищунго къуватаблъунги рикIкIана гьеб хIай. Амма кIиабилеб туралда Польшаялъул командагун хIалаго кIвечIо Россиялъул командаялда чехазулгун гIадинаб хIай бихьизабизе.
Дир хIисабалда, гьелъие гIилла буго Польшаялъул команда рокъоб хIалеб букIин ва гьелде тIадеги нилъер командаялъ гьезул хIаялъул къуват рикIкIинчIолъи. Абизе бегьула гьеб хIаялда Польшаялъул командаялъ ахирияб рухI майданалда танингицин. Техникияб къагIидаялъ загIипабго букIаниги физическияб къагIидаялъ къвакIараб команда буго поляказул.
Щибаб спорталдаго гIадин футболалдаги рукIуна санагIат гьечIел дандиял, гьединаблъун букIанин абизе бегьула Россиялъе Польшаги. РакIалде ккола Россиялъул команда группаялдаса къватIибе борчIилин абун. Гьел гьабсагIат 4 очкогун жидерго къукъаялъул таблицаялда тIоцебесеб бакIалда руго».
МахIачхъалаялда гIолилаз тIобитIараб тадбиралъул бицани, футболалъул рахъалъ Россиялъул тIаса бищараб командаялъул рахъкквей загьир гьаби гуребги, Дагъистаналъул гIолилаз МахIачхъалаялда тIобитIараб акциялъул мурад букIана Россиялъул къо кIодо гьабиялда бан жидерго разилъи загьир гьабиги. Журналист МухIамадова Асиятил гьадинаб пикру буго гьелда бан.
МухIамадова Асият: «ХIакъикъаталдайин абуни, кIудияб улкаялдехун жидерго бугеб бербалагьи батIи-батIияб куцалда бихьизабула дагъистанияз. Щайгурелъул, республикаялда ругелъулха МугIрузулаб улка жибго жиндаго чIараблъун букIине бокьаралги.
ГIолилазда гьоркьоб гIемер бицунеб рагIула Россиялдаса Кавказ батIалъани лъикI букIинилан абулел харбал. Амма дир хIисабалда, гьел ккола къватIисел тушбабазул мурадал тIуразелъун риччалел харбал. Россиялдаса Кавказ ялъуни хас гьабун Дагъистан батIалъани, нилъер гIумру-яшав нахъе ккезе буго. Щайгурелъул, нилъер гьечIелъулха я цебетIураб экономика, я промышленность, ялъуни политика.
Гьедин кканигицин нилъер ракьалдаги тIабигIиял сурсатаздаги бер лъезе буго цогидал къватIисел пачалихъаз. Дида ккола Россиялда цадахъ гурони Дагъистаналъул батIияб къисмат гьечIилан».
Журналист МухIамадова Асиятица бицухъе, кавказияздехун ва гьездаго гьоркьоб дагъистанияздехунги Россиялъул цо-цо шагьаразда гьабулеб бербалагьи рагIула ургъунго информациялъулал алатаз понцIозабураб, цо щиб бугониги ккани гьеб гIочIода чIван бихьизеги гьабулила.
МухIамадова Асият: «Кин батаниги СМИяздасан буго кавказияздехун рокьукълъи загьир гьабиялъул хIужаби. Гьебги буго заманалъулаб иш».
Журналист МухIамадова Асиятица бицухъе, цо-цоязда гьоркьоб кколеб кинаб бугониги хIалуцин миллатазда бухьинабичIого теялъе хIалтIи гьабизе ккелила улкаялъул ва регионазул нухмалъулез.
«ХIакъикъат» газеталъул спортивияв мухбир ХIасанов Темирханил рагIабазда рекъон, миллиял тунка-гIусиял камураб улка-ракь къанагIатги рагIуларо ва хасго гьединал хIужаби загьирлъулила спортивиял къецал тIоритIулелъул.
ХIасанов Темирхан: «Хал гьабе, футболалъул чемпионат тIобитIулелъул Польшаялдаги кколел руго цо-цо гъалмагъирал. ХIаялъухъ балагьизе рачIарал россиялъулаздаги польшаялъулаздаги гьоркьоб ккана гьединабго тунка-гIуси. ХIатта Польшаялда бугеб Россиялъул посольствоцин буго цебеялдаса гIемерго цIунун. Гьениб болельщиказда гьоркьоб бугеб спортивияб къеркьей цо-цояз хIаракат бахъулеб буго политикиял мурадазе гIоло хIалтIизабизе».
Нижергун гара-чIвари ккараз лъазабухъе, гIолилаз МахIачхъалаялда тIобитIараб тадбирги рагIула гIицIго Россиялъул футболалъул тIаса бищараб командаялъул рахъкквей гуребги, жалги россияналлъун кколеблъи бихьизаби ва улкаялъул рохел ва пашманлъи щивасе гIахьалаб букIин загьир гьаби.
