Республикаялъул тIалъиялъул ихтияразул бутIаялъул нухмалъулев МустIапа Генжехановас абуна гьелъул мурад бугин жидее квалквалал гьарулел хIакимзабаздаса бизнесменал цIуни. Гьединал хIужаби гIемер ругила, хIакимзабазул кIичIикьа рорчIизе хIалбихьулила бизнесменаз. Амма жидеего гьеб гьабизе захIмалъулила гьезие.
Депутатазул цо-цояз дандечIей гьабуна гьеб къануналда. Масала, коммунистазул вакил МахIмудовас абуна гIицIго бизнесменазул ихтиярал цIунун щайин телел, рачIайин цогидаб махщалил чагIазул ихтиярал цIунулел вакиллъабиги гIуцIизе.
Гьеб щибниги хайир бугеб жо гурин рикIкIуна ГIисалмухIамад Набиевас. Гьев ккола даранчагIазул лъидаго бачIеб махщалил цолъиялъул нухмалъулев.
ГIисалмухIамад Набиев: "Щивниги вищаниги вищичIониги, жо кколаро гьелъул. Махщалил 25 цолъи буго Дагъистаналда - мугIалимзабазул, даранчагIазул... Гьел киналго уна Россиялъул Федерациялъул шураялда гъорлъеги. Гьеб гIоларебищ? Гьел вакил гьарун ругелъул дол чагIазул ихтиярал цIунизе. Гьезухъ гIенеккуларел хIакимзаби тIаде вищарав вакиласухъищ гIенеккизе вугев? Гьеб буго гIицIго мода хIисабалда гьабулеб жо, Москваялдаги бугелъул, гьанибги гьабизе лъикIин абулеб жо. ТIаса гъоркье гьабулеб жоялъ хIасил кьоларо киданиги, гъоркьа тIаде гьабизе ккола. Гьедин гьабулеб бугони, щибниги къануналда данде кколареб жо тIалаб гьабуларо. Инсанасул ихтиярал цIунулеб вакиллъи буго гурищ гьединго гIуцIун? Щибха гьелъ кьолеб бугеб? Гьединлъидал щибниги гIуцIизе кколаро къануналда рекъон хьвадулел ругони. Хадуб кинабго бачIуна жиндирго нухде, дир хIисабалда".
Дагъистаналда буго гIиси-бикъинаб ва гьоркьохъеб даран-базаралъе кумек гьабулеб комитет. Амма гьениса кумек гIицIго тIаса рищарал чагIазе гурони щоларин абула гIадамаз. Амма комитеталъул нухмалъулев Шабанов МухIамадил рагIабазда рекъон, бицен гьабулеб бизнесалъе пачалихъалъ нусго млн-са цIикIкIун гъурущ харж гьабула. Гьеб комитеталъул баяназда рекъон, Дагъистаналда рагIула даранчагIазе кумек гьабулеб 3424 предприятие, 35 даранчи.
2011 соналда гIиси-бикъинаб ва гьоркьохъеб даран-базаралдаса республикаялъул бюджеталде бачIун рагIула кIиго млрд-са цIикIкIун гъурущ.
Депутатазул цо-цояз дандечIей гьабуна гьеб къануналда. Масала, коммунистазул вакил МахIмудовас абуна гIицIго бизнесменазул ихтиярал цIунун щайин телел, рачIайин цогидаб махщалил чагIазул ихтиярал цIунулел вакиллъабиги гIуцIизе.
Гьеб щибниги хайир бугеб жо гурин рикIкIуна ГIисалмухIамад Набиевас. Гьев ккола даранчагIазул лъидаго бачIеб махщалил цолъиялъул нухмалъулев.
Дагъистаналда буго гIиси-бикъинаб ва гьоркьохъеб даран-базаралъе кумек гьабулеб комитет. Амма гьениса кумек гIицIго тIаса рищарал чагIазе гурони щоларин абула гIадамаз. Амма комитеталъул нухмалъулев Шабанов МухIамадил рагIабазда рекъон, бицен гьабулеб бизнесалъе пачалихъалъ нусго млн-са цIикIкIун гъурущ харж гьабула. Гьеб комитеталъул баяназда рекъон, Дагъистаналда рагIула даранчагIазе кумек гьабулеб 3424 предприятие, 35 даранчи.
2011 соналда гIиси-бикъинаб ва гьоркьохъеб даран-базаралдаса республикаялъул бюджеталде бачIун рагIула кIиго млрд-са цIикIкIун гъурущ.