Гьенир аскIоса гIебеде ричарулел гIадамаз бицухъе, хъахIаб «Приора» машинаялда вачIун цояс кьвагьун буго хъаравуласде, цинги тукада жанибе къвачIаги рехун цевеса тIагIун вуго. Гьев чи вахъун рагIула тукада сверун лъурал видеокамерабаз.
«Гастроном 24» абураб гьеб тукада бичулеб букIун буго гIаракъиги чагъирги. Гьелъул бетIергьаналда лъазабун букIун рагIула гьекъолел жал ричугеян. Гьедин цоцIул тукаде кьвагьдон рукIун руго. Цинги исана августалда кьвагьиги бахъинабун букIун буго. Анкь бана МахIачхъалаялда цойги тукен кьвагьизабун. Гьеб ккана гьаб цояб кьвагьи бахъараб тукадаса рикIкIад гьечIого, Дахадаевасул къотIноб.
Гьединал хIужаби гIемер кколел руго ахираб заманалда Дагъистаналда. Гьелъие кIиго батIияб гIилла рехсолеб буго. Мисалалъе, абулеб буго диниял рикьалабаз хIарамаблъун рикIкIунеб бугелъулин гьекъолеб жо, гьедин гьукъулеб бугин тукабазда гIаракъи-чагъир бичизе. Гьебги хIалае ккун рохьор рахчарал хъачагъаз магъалаби лъолел руго гьединал тукабазул бетIергьабазда. Амма гьел магъалаби кьунани бегьулебищин гIаракъи бичизеян бетIер кIибикIулеб буго цо-цояз. Буго гьединго конкуренциялъул гIиллаги. Гьеб кIиябго пикруялда тIад рекъолев вуго Дагъистаналдаса журналист Муса Мусаев. Амма 8 ноябралда кьвагьизабураб тукадул бетIергьаналдаса тIалаб гьабулеб жо цойги бугин.
Муса Мусаев: «Тукадул бетIергьаналда абулеб рагIула гьениса нахъе айин».
Дахадаевасул къотIноб кьвагьизабураб тукада аскIоса гIебеде ругел минабазул бетIергьабздаги абулеб бугила гьединго. Лъиеялиго къваригIун рагIула гьел бакIазда кIудиял, гIемертIалаял минаби разе.
Шагьаралъул мэрлъун Амиров вугеб мехалда республикаялда гьарулел рукIарал кьвагьиял гьесул цIаралдаги хурхинарулаан цо-цояз. Гьев гьанже туснахъ гьавун вуго.
Бицен гьабулел кьвагьа-гIанхъиязе гIилла гьадин бихьулеб буго цеве низам цIунулел идарабазда хIалтIулев вукIарав МухIамаднабиев Ибрагьимида.
МухIамаднабиев Ибрагьим: «Гьал кьвагьа-гIанхъиял ккей рецIел боси батилин хIисаб гьабулеб буго дица, амма гьедин ракIалде ккезеги бокьун гьечIо. Щайин абуни Амиров гьаниса нахъе аралдаса гьесул бицунеб жоги дагьаб буго, халкъалда бичIчIулеб жоги дагьаб буго, гьев нахъвуссун виччалев рагIулин абулел чагIиги чанги руго… Гьав президентас гьарулел ругел лъикIал ишазда тIад рахъу чIвазе, гьев сурун вихьизе гIоло гьарулел жалдайин ккколеб буго».
8 ноябралда МахIачхъалаялда тукен кьвагьизабурав чи хъахIаб «Приораялдаги» рекIун анин абулеб бугелъул, полициялъ гьеб машинаялде кьолеб буго гьанже кIвар. Гьелъул номералги 460 кколел руго.
«Гастроном 24» абураб гьеб тукада бичулеб букIун буго гIаракъиги чагъирги. Гьелъул бетIергьаналда лъазабун букIун рагIула гьекъолел жал ричугеян. Гьедин цоцIул тукаде кьвагьдон рукIун руго. Цинги исана августалда кьвагьиги бахъинабун букIун буго. Анкь бана МахIачхъалаялда цойги тукен кьвагьизабун. Гьеб ккана гьаб цояб кьвагьи бахъараб тукадаса рикIкIад гьечIого, Дахадаевасул къотIноб.
Муса Мусаев: «Тукадул бетIергьаналда абулеб рагIула гьениса нахъе айин».
Дахадаевасул къотIноб кьвагьизабураб тукада аскIоса гIебеде ругел минабазул бетIергьабздаги абулеб бугила гьединго. Лъиеялиго къваригIун рагIула гьел бакIазда кIудиял, гIемертIалаял минаби разе.
Шагьаралъул мэрлъун Амиров вугеб мехалда республикаялда гьарулел рукIарал кьвагьиял гьесул цIаралдаги хурхинарулаан цо-цояз. Гьев гьанже туснахъ гьавун вуго.
Бицен гьабулел кьвагьа-гIанхъиязе гIилла гьадин бихьулеб буго цеве низам цIунулел идарабазда хIалтIулев вукIарав МухIамаднабиев Ибрагьимида.
МухIамаднабиев Ибрагьим: «Гьал кьвагьа-гIанхъиял ккей рецIел боси батилин хIисаб гьабулеб буго дица, амма гьедин ракIалде ккезеги бокьун гьечIо. Щайин абуни Амиров гьаниса нахъе аралдаса гьесул бицунеб жоги дагьаб буго, халкъалда бичIчIулеб жоги дагьаб буго, гьев нахъвуссун виччалев рагIулин абулел чагIиги чанги руго… Гьав президентас гьарулел ругел лъикIал ишазда тIад рахъу чIвазе, гьев сурун вихьизе гIоло гьарулел жалдайин ккколеб буго».
