Царнаевасул университеталъул гьалмагъзабилъун рикΙкΙунел гьел гΙолохъабазде цΙех-рехалъе квал-квал гьабиялъул гуребги, гΙунтΙизабулеб буго гьединго далилал рахчизариялъул гΙайибги. Гьезда сверун диваналъул иргадулаб данделъи тΙобитΙизе буго 14 маялда.
Щаклъи бугев лъабабилев ккола Цолъарал штатазул гаражданав Робель Филлипос. Гьесде гΙайиб гΙунтΙизабулеб буго цΙехрехчагΙазе гьереси бициналъул. Гьев цΙидаса диваналде вачΙине вуго 6 маялда.
Лъабасулго битΙахъеб гΙахьаллъи букΙинчΙо кьвагьиязде. Гьезде гΙайиб гΙунтΙизабуна, Дартмуталда бугеб Массачуссетсалъул университеталъул стдентазул резиденциялда Царнаевасул рукъусан рюкзак ва ноутбук нахъе босиялъул, ахирисесухъа смс бачΙун хадуб.
Америкаялъул нухмалъиялъ абулеб буго гьеб рюкзак цΙезабун букΙанин жаниса порох бахъарал фейерверказе хΙалтΙизарулел алатазулин.
Гьеб гуребги цΙех-рехчагΙаз абулеб буго, кьвагьулеб алат гьабиялъе хΙалтΙизабизе бегьулеблъун рикΙкΙун, Къадырбаевас чΙобосеб вазелиналъул гъутΙухъги нахъе босун букΙун бугин гьесул рукъуса. ТΙоцебе гьел алатал Къадирбаевасги Тажаяковасги росун руго жидерго рукъубе, хадуб Къадырбаевас гьеб кинабго жо реххун буго рищниялде гъорлъе. Гьелда хадуб полициялъе гьеб кинабго рюкзакгун батун буго хутΙелал реххулеб бакΙалда.
Гьа бан казахстаналъул гражданаз бицаралде балагьун, информалатазул лъазабиязде ва низам цΙунулез рахъарал суратазде балагьун, абизе бегьула, Царнаевасде гьел къвагьиязул щаклъи бугин.
Диваналъул гΙайиб гΙунтΙизабулел документазда хъван буго гьединго, кьвагьи ккеялда гΙага-шагарго моцΙалъ цебе Царнаевас казахазде абун букΙун бугин, жинда лъалин кьвагьулеб алат гьабулеб къагΙидайин.
19 сон барав Жовгьар Царнаев полиция хадуб лъугьунеб мехалда щварал ругъналгун вегизавун вуго туснахъалъул азарханаялда. Гьесул кΙудияв вац Тамералан хвана добго къоялда операция унеб мехалда полиция кьвагьдеялъул хΙассилалда.
Гьезул эбелалъ лъазабулеб буго, жиндир васазде гΙайиб гΙунтΙизабиялъул багьана гьересияб бугин.
Къадырбаевги Тажаяковги ккун руго кьвагьиязда хадуб Цолъарал штатазул миграциялъул хъулухъалъ студентазул визабазул режим хвезабиялъул гΙайибги гΙунтΙизабун.
ФБРалъ абулеб буго, ккурав лъабавго кколин Жовгьар Царнаевасул курсалдаса гΙолохъабийин.
Къадирбаевасул адвокат Роберт Сталица лъазабуна, гьесул клиентасул кинабгΙаги хурхен гьечΙин гьел кьвагьияздеян.
Роберт Стал: «Диаз Къадырбаевас киналго гΙайибал нахъ чΙвалел руго. Байбихьудасаго нижеца абулеб букΙахъего, гьес ФБРалъе цΙех-рех гьабиялъе кумек гьабулеб букΙана. Гьев, киналгогΙадин, живгоги тамашалъун ва вихха-хочун вукΙана Бостоналда гьарурал кьвагьияздаса. Гьесда лъалеб букΙун гьечΙо гьеб кьвагьиялда Царнаевасул гΙахьаллъи букΙиналъул. Гьеб гьесда дагьалъ кватΙун лъан буго. Нухмалъиялъ сурат бихьизабун хадуб гьев гьесда лъана.
Нижеца протест гьабизе буго. Ниж цΙакъ балагьун чΙун руго диваналда гьелъие далилал рачиналде. Дир ракΙ гурхΙун буго Къадырбаевасе ва гьесул хъизаналъе Бостоналда гьединаб жо ккун букΙиналда бан. Гьесул гьеб ишалде гьечΙо щибниги гΙаммаб жо.»
Тажаяковасул адвокат Харлан Протасицаги лъазабуна, жиндир клиентасулги кинабгΙаги хурхен гьечΙин гьел кьвагьияздеян.
Лъазабиязда рекъон, Къадырбековасе ва Тажаяевасе бищунго хъачΙаб къанун хΙалтΙизабуни, кьезе бегьула туснахъалъул щу-щу сон ва гьезул щивасда 250 азарго долларалъул гΙакΙаги кьабизе бегьула. Гьебго 250 азарго долларалъул гΙакΙа лъезе бегьула Филлипосида тΙадги. Амма туснахъалъул тамихΙалъул гьесул болжал бахине бегьула 8 сониде.
(ЭР)
Щаклъи бугев лъабабилев ккола Цолъарал штатазул гаражданав Робель Филлипос. Гьесде гΙайиб гΙунтΙизабулеб буго цΙехрехчагΙазе гьереси бициналъул. Гьев цΙидаса диваналде вачΙине вуго 6 маялда.
Лъабасулго битΙахъеб гΙахьаллъи букΙинчΙо кьвагьиязде. Гьезде гΙайиб гΙунтΙизабуна, Дартмуталда бугеб Массачуссетсалъул университеталъул стдентазул резиденциялда Царнаевасул рукъусан рюкзак ва ноутбук нахъе босиялъул, ахирисесухъа смс бачΙун хадуб.
Америкаялъул нухмалъиялъ абулеб буго гьеб рюкзак цΙезабун букΙанин жаниса порох бахъарал фейерверказе хΙалтΙизарулел алатазулин.
Гьеб гуребги цΙех-рехчагΙаз абулеб буго, кьвагьулеб алат гьабиялъе хΙалтΙизабизе бегьулеблъун рикΙкΙун, Къадырбаевас чΙобосеб вазелиналъул гъутΙухъги нахъе босун букΙун бугин гьесул рукъуса. ТΙоцебе гьел алатал Къадирбаевасги Тажаяковасги росун руго жидерго рукъубе, хадуб Къадырбаевас гьеб кинабго жо реххун буго рищниялде гъорлъе. Гьелда хадуб полициялъе гьеб кинабго рюкзакгун батун буго хутΙелал реххулеб бакΙалда.
Гьа бан казахстаналъул гражданаз бицаралде балагьун, информалатазул лъазабиязде ва низам цΙунулез рахъарал суратазде балагьун, абизе бегьула, Царнаевасде гьел къвагьиязул щаклъи бугин.
Диваналъул гΙайиб гΙунтΙизабулел документазда хъван буго гьединго, кьвагьи ккеялда гΙага-шагарго моцΙалъ цебе Царнаевас казахазде абун букΙун бугин, жинда лъалин кьвагьулеб алат гьабулеб къагΙидайин.
19 сон барав Жовгьар Царнаев полиция хадуб лъугьунеб мехалда щварал ругъналгун вегизавун вуго туснахъалъул азарханаялда. Гьесул кΙудияв вац Тамералан хвана добго къоялда операция унеб мехалда полиция кьвагьдеялъул хΙассилалда.
Гьезул эбелалъ лъазабулеб буго, жиндир васазде гΙайиб гΙунтΙизабиялъул багьана гьересияб бугин.
Къадырбаевги Тажаяковги ккун руго кьвагьиязда хадуб Цолъарал штатазул миграциялъул хъулухъалъ студентазул визабазул режим хвезабиялъул гΙайибги гΙунтΙизабун.
ФБРалъ абулеб буго, ккурав лъабавго кколин Жовгьар Царнаевасул курсалдаса гΙолохъабийин.
Къадирбаевасул адвокат Роберт Сталица лъазабуна, гьесул клиентасул кинабгΙаги хурхен гьечΙин гьел кьвагьияздеян.
Роберт Стал: «Диаз Къадырбаевас киналго гΙайибал нахъ чΙвалел руго. Байбихьудасаго нижеца абулеб букΙахъего, гьес ФБРалъе цΙех-рех гьабиялъе кумек гьабулеб букΙана. Гьев, киналгогΙадин, живгоги тамашалъун ва вихха-хочун вукΙана Бостоналда гьарурал кьвагьияздаса. Гьесда лъалеб букΙун гьечΙо гьеб кьвагьиялда Царнаевасул гΙахьаллъи букΙиналъул. Гьеб гьесда дагьалъ кватΙун лъан буго. Нухмалъиялъ сурат бихьизабун хадуб гьев гьесда лъана.
Нижеца протест гьабизе буго. Ниж цΙакъ балагьун чΙун руго диваналда гьелъие далилал рачиналде. Дир ракΙ гурхΙун буго Къадырбаевасе ва гьесул хъизаналъе Бостоналда гьединаб жо ккун букΙиналда бан. Гьесул гьеб ишалде гьечΙо щибниги гΙаммаб жо.»
Тажаяковасул адвокат Харлан Протасицаги лъазабуна, жиндир клиентасулги кинабгΙаги хурхен гьечΙин гьел кьвагьияздеян.
Лъазабиязда рекъон, Къадырбековасе ва Тажаяевасе бищунго хъачΙаб къанун хΙалтΙизабуни, кьезе бегьула туснахъалъул щу-щу сон ва гьезул щивасда 250 азарго долларалъул гΙакΙаги кьабизе бегьула. Гьебго 250 азарго долларалъул гΙакΙа лъезе бегьула Филлипосида тΙадги. Амма туснахъалъул тамихΙалъул гьесул болжал бахине бегьула 8 сониде.
(ЭР)
