Россиялъул хIукуматалъ май моцIалда лъазабуна Лондоналда тIоритIизе ругел Олимпиадаялъул хIаязда россиялъул командаялъе гьукъараб букIине бугин кинаб бугониги алькоголь гьекъезейин, гьебги цо спотсменазе гуребги, тIолабго делегациялъул гIахьалчагIазейин.
Щаяли Москваялъ мухIкан гьабулеб гьечIо.
Амма Россиялъул тIасабищараб командаялъ цIакъ гIагализарун рукIана улкаялъул спорт бокьулел Ванкувералда хасалил Олимпиада тIобитIулаго. Гьез рокъобе бачIун букIана гIицIго 14 медаль, гьебги 50 медаль босизеги хIадураб команда бугин рикIкIунеб мехалда.
Амма Ванкувералда россиялъул команда цIакъго гIорхъолъа арал дандеруссинал тIоритIиялдалъун машгьурлъун рукIанин лъазабулеб букIана информалатаз. Абулеб букIана гьезул «ГIурусазул Рокъоб» водкагун виски тIолареб заман букIинчIин.
Гьекъолди гуребги видеокамеразда цебе букIине кколеб хьвада-чIвадиялдеги кIвар кьее ккола спортсменаз.
Гьаб моцIалда Австралиялъул олимпиадаялъул комитеталъ лъазабуна жидер лъимхалезул тIаса бищараб командаялда бищунго лъикIав кIиго спортсменасе тамихI гьабизе букIиналъул. Лондоналда жидерго къецал лъугIараб параялда гьел ватIаналде тIадруссине кколел руго.
Щай? Щайгурелъул лъимхалел Ник Д'Арсица ва Кенрик Монахица дагьаб цебегIан заманалда Facebookалда лъун рукIун ярагъгун кодоб суратал. Спорталъул хъулухъчагIазул пикруялда цогидаз мисал босизе кколел васал гьединал рукIине бегьуларо.
Олимпиадаби тIоритIулел гIемерал соназда жанир спортивияб гуреб хьвада-чIвади бихьизабурал спортсменазул сияхI квешаб хьвада-чIвадиялъул жиндирго мини-олимпиада гьабизе гIунги тIокIаб буго.
2004 соналда Афиназда ираналдаса дзюдоист Араш Миресмаили чорхол бакIлъи цIикIкIун бугин абун дисквалификация щвезегIан квана-гьекъолев вукIана. Ираналъ пачалихълъун рикIкIунареб Израилалдаса спортсменгун дандвазе ккеларедухъ чорхол цIайи цIикIкIинабулеб букIанин жинцаян абун буго гьес.
Гьеб хIужаялъ ракIалде щвезабулеб буго польшаялдаса тIилгун эхеде кIанцIулев спортсмен Владислав Козакевичас гьабураб. 1980 соналда Москваялъул Олимпиадаялда гьес къецазухъ балагьулезда бихьизабун букIана сурукъаб ишара. Гьеб сабаблъун гьесухъа меседил медаль бахъизе дагьаб хутIун букIана.
Цо-цо мехалда спортсменаз рекIкI гьабула жидеца хIалтIизарулел алатазе хиса-басиял гьариялдалъунги.
Монреалалда 1976 соналъ Олимпиада тIобитIулаго Советияб Союзалдаса фехтованиелъул рахъалъ спортсмен Борис Онищенкоца данде вагъулев вукIарав британиялдаса спортсменасда жиндихъ букIараб шпагацин тункичIого жиндиего балал рикIкIинедухъ рекъезабун букIана гьеб.
Орбитразе тIатун буго гьес жиндирго шпагаялда электронияб системаялда жиндиего балал рикIкIинелъун хасаб бекI лъун букIин. Гьелдаса хадуб гьесиеги гьениб букIараб тIолабго командаялъеги дисквалификация гьабун букIана.
Олимпиадаязда цоги сурукъаб рахъалъан жалго рихьизарула допингал хIалтIизарурал ва гьенир кьурал шапакъатаздаса инкар гьабулел спортсменаз.
Канадалдаса спринтер Бен Джонсон цо параялда жанив дунялалдаго машгьурлъана 1988 соналда Сеулалда Олимпиада тIобитIулаго. Гьев векерулев вукIана 100 метралъ. Машгьурлъиялда цадахъго абухъе дунялалда суризеги сурана гьев допинг хIалтIизабун батидал.
Хасал дараби гурелги руго спортсменазе гьукъарал цоги чорхое асар гьабулел жалги. Масала Япониялъул Наганоялда 1998 соналда хасалил Олимпиада тIобитIулаго канадаялдаса сноубордист Росс Ребальятие щун букIана улкаялъул тарихалда жаниб спорталъул гьеб рахъалъ тIоцебесеб меседил медаль. Амма чанго сагIаталдасан гьеб гьесухъа нахъе босана марихуана цIан батунилан.
Ребальятихъе гьеб медаль цIидасан тIадбуссинабун букIана щайгурелъул гьеб заманалда марихуана Олимпиадаялда гьукъараб букIинчIого. Амма квешаб сияхIалде ккараб гьесул цIар жегиги гьенибго хутIун буго.
Швециялдаса гугарухъан Ара Абрамян машгьурлъана 2008 соналда Пекиналда риидалил Олимпиада тIобитIулаго. Гьес жиндир горбода бараб параялъго бахъун нахъе рехула мазгарул медаль. Гьедин гьес загьир гьабуна италиялдаса гугарухъанасукьа жив къанин абуралда жиндирго разилъи гьечIолъи. Гьединлъидал Олимпиадаялъул халкъаздагьоркьосеб комитеталъ гьесие дисквалификацияги гьабун букIана.
Амма къуразул рахъалъан бищунго суракъаб иш гьабун букIана 1998 соналда Наганоялда Америкалъул бихьиназул хоккеялъул командаялъ. Турниралдаса жал нахъе рехун хадуб гьез жидеца гIумру гьабулел рукIарал рукъзабахъ тIатIала лъураб жо течIого бекизабун, биххизабун букIана.
Узухъда Олимпиялъул хIаязухъ рокьи ккезабулел ва квен-лъим тун тIолабго дунял гьезул балагьизабулел хIужабилъун кколаро гьел тIадехун рехсарал мисалал. Амма Олимпиадаялъул хIакъалъулъ бицен гьел лъугьа-бахъинал рехсечIого тIубараб букIинароан.
Чарльз Рекнагел.
Щаяли Москваялъ мухIкан гьабулеб гьечIо.
Амма Россиялъул тIасабищараб командаялъ цIакъ гIагализарун рукIана улкаялъул спорт бокьулел Ванкувералда хасалил Олимпиада тIобитIулаго. Гьез рокъобе бачIун букIана гIицIго 14 медаль, гьебги 50 медаль босизеги хIадураб команда бугин рикIкIунеб мехалда.
Амма Ванкувералда россиялъул команда цIакъго гIорхъолъа арал дандеруссинал тIоритIиялдалъун машгьурлъун рукIанин лъазабулеб букIана информалатаз. Абулеб букIана гьезул «ГIурусазул Рокъоб» водкагун виски тIолареб заман букIинчIин.
Гьекъолди гуребги видеокамеразда цебе букIине кколеб хьвада-чIвадиялдеги кIвар кьее ккола спортсменаз.
Гьаб моцIалда Австралиялъул олимпиадаялъул комитеталъ лъазабуна жидер лъимхалезул тIаса бищараб командаялда бищунго лъикIав кIиго спортсменасе тамихI гьабизе букIиналъул. Лондоналда жидерго къецал лъугIараб параялда гьел ватIаналде тIадруссине кколел руго.
Щай? Щайгурелъул лъимхалел Ник Д'Арсица ва Кенрик Монахица дагьаб цебегIан заманалда Facebookалда лъун рукIун ярагъгун кодоб суратал. Спорталъул хъулухъчагIазул пикруялда цогидаз мисал босизе кколел васал гьединал рукIине бегьуларо.
Олимпиадаби тIоритIулел гIемерал соназда жанир спортивияб гуреб хьвада-чIвади бихьизабурал спортсменазул сияхI квешаб хьвада-чIвадиялъул жиндирго мини-олимпиада гьабизе гIунги тIокIаб буго.
2004 соналда Афиназда ираналдаса дзюдоист Араш Миресмаили чорхол бакIлъи цIикIкIун бугин абун дисквалификация щвезегIан квана-гьекъолев вукIана. Ираналъ пачалихълъун рикIкIунареб Израилалдаса спортсменгун дандвазе ккеларедухъ чорхол цIайи цIикIкIинабулеб букIанин жинцаян абун буго гьес.
Гьеб хIужаялъ ракIалде щвезабулеб буго польшаялдаса тIилгун эхеде кIанцIулев спортсмен Владислав Козакевичас гьабураб. 1980 соналда Москваялъул Олимпиадаялда гьес къецазухъ балагьулезда бихьизабун букIана сурукъаб ишара. Гьеб сабаблъун гьесухъа меседил медаль бахъизе дагьаб хутIун букIана.
Цо-цо мехалда спортсменаз рекIкI гьабула жидеца хIалтIизарулел алатазе хиса-басиял гьариялдалъунги.
Монреалалда 1976 соналъ Олимпиада тIобитIулаго Советияб Союзалдаса фехтованиелъул рахъалъ спортсмен Борис Онищенкоца данде вагъулев вукIарав британиялдаса спортсменасда жиндихъ букIараб шпагацин тункичIого жиндиего балал рикIкIинедухъ рекъезабун букIана гьеб.
Орбитразе тIатун буго гьес жиндирго шпагаялда электронияб системаялда жиндиего балал рикIкIинелъун хасаб бекI лъун букIин. Гьелдаса хадуб гьесиеги гьениб букIараб тIолабго командаялъеги дисквалификация гьабун букIана.
Олимпиадаязда цоги сурукъаб рахъалъан жалго рихьизарула допингал хIалтIизарурал ва гьенир кьурал шапакъатаздаса инкар гьабулел спортсменаз.
Канадалдаса спринтер Бен Джонсон цо параялда жанив дунялалдаго машгьурлъана 1988 соналда Сеулалда Олимпиада тIобитIулаго. Гьев векерулев вукIана 100 метралъ. Машгьурлъиялда цадахъго абухъе дунялалда суризеги сурана гьев допинг хIалтIизабун батидал.
Хасал дараби гурелги руго спортсменазе гьукъарал цоги чорхое асар гьабулел жалги. Масала Япониялъул Наганоялда 1998 соналда хасалил Олимпиада тIобитIулаго канадаялдаса сноубордист Росс Ребальятие щун букIана улкаялъул тарихалда жаниб спорталъул гьеб рахъалъ тIоцебесеб меседил медаль. Амма чанго сагIаталдасан гьеб гьесухъа нахъе босана марихуана цIан батунилан.
Ребальятихъе гьеб медаль цIидасан тIадбуссинабун букIана щайгурелъул гьеб заманалда марихуана Олимпиадаялда гьукъараб букIинчIого. Амма квешаб сияхIалде ккараб гьесул цIар жегиги гьенибго хутIун буго.
Швециялдаса гугарухъан Ара Абрамян машгьурлъана 2008 соналда Пекиналда риидалил Олимпиада тIобитIулаго. Гьес жиндир горбода бараб параялъго бахъун нахъе рехула мазгарул медаль. Гьедин гьес загьир гьабуна италиялдаса гугарухъанасукьа жив къанин абуралда жиндирго разилъи гьечIолъи. Гьединлъидал Олимпиадаялъул халкъаздагьоркьосеб комитеталъ гьесие дисквалификацияги гьабун букIана.
Амма къуразул рахъалъан бищунго суракъаб иш гьабун букIана 1998 соналда Наганоялда Америкалъул бихьиназул хоккеялъул командаялъ. Турниралдаса жал нахъе рехун хадуб гьез жидеца гIумру гьабулел рукIарал рукъзабахъ тIатIала лъураб жо течIого бекизабун, биххизабун букIана.
Узухъда Олимпиялъул хIаязухъ рокьи ккезабулел ва квен-лъим тун тIолабго дунял гьезул балагьизабулел хIужабилъун кколаро гьел тIадехун рехсарал мисалал. Амма Олимпиадаялъул хIакъалъулъ бицен гьел лъугьа-бахъинал рехсечIого тIубараб букIинароан.
Чарльз Рекнагел.
