Россиялъул ХIинкъигьечIолъиялъул мажлисалъул бетIер Николай Патрушевас губернатораздаса тIалаб гьабуна Google, Yahoo ва WhatsApp гIадал къватIисел пачалихъазул сурсатаздаса пайда босулел хъулухъчагIазе тамихI гьаби.
Патрушевасул пикруялда, хъулухъалъул ишал тIуразарулеб мехалда, къватIисел улкабазул интернет-сурсатаздаса пайда босиялдаса кIудияб хIинкъи рагIула улкаялъе.
Гьелъул хIакъалъулъ гьес лъазабун буго Владивостокалда тIобитIараб пачалихъиял хъулухъчагIазул данделъиялда.
Июлалда Вологдаялда букIараб данделъиялдаги Патрушевас гьединго рази гьечIолъи загьир гьабун букIана пачалихъиял хъулухъчагIаз социалиял интернет-сурсатазда жидерго хIакъалъулъ информация толеб букIиналда банги.