МагъчIваялъе рес

Лукашенко тIаса лъугьун вуго 6 политикияв туснахъасда


Белоруссиялъул президент Александр Лукашенко тIаса лъугьун вуго оппозициялъул рахъалдаса президентлъиялде кандидатлъун вукIарав Николай Статкевичида ва жеги щуго политикияв туснахъасда. Статкевичил лъади Марина Адамовичалъ лъазабуна "Хартия 97" абулеб инсанасул ихтиярал цIунулезул сайталъе гьелъул рос туснахъалъуса эркен гьавун вугин.

Николай Статкевич жанив тIамун вукIана 2010 соналъул декабралда президентасул рищиял унеб мехалда. Гьесие кьун букIана туснахъалъул 6,5 сон гIадамал гIадлу-биххиязде ахIунин ва гьел гIуцIунин абун.

Лукашенкол пресс-хъулухъалда мугъчIвай гьабулел Белоруссиялъул агенствабаз лъазабулеб буго оппозиционерал Николай Дедок, Игорь Олиневич, Евгений Васькович, Артем Прокопенко ва Юрий Рубцовги туснахъалъуса эркен гьаризе ругин.

XS
SM
MD
LG