Нью-Йоркалда гIумру гьабулев узбек миллаталъул 25 сон барав ГIабдурасул Джурабоевас жинде гIунтIизабулеб гIайибалъе мукIурлъун, абуна жиндир хIакъикъаталдаги хиял букIанин «Исламияб пачалихъалде» гъорлъе жувазе.
2014 соналъул август моцIалда гьес интернеталда жиндирго лъазаби загьирабуна, жив хIадурав вугин Цолъарал Штатазул президент Барак Обама чIвазе къасд гьабиялда, ялъуни Кони Айленд абулеб хIухь бахъулеб бакIалда кьвагьи гьабиялда, гьадинаб буюри жиндие «Исламияб пачалихъалъ» кьуни.
Прокурорас абулеб буго гьев Джурабоев 15 соналъ жаниве тIамизе рес бугин.
Гьесдаго цадахъ жеги ункъго чи ккун вуго полициялъ. Терроризмалде хурхен букIиналда щаклъи бугел гьел жидеде гIунтIизарулел гIайибазе мукIурлъичIо.