Армениялда Гюмри шагьаралда бугеб Россиялъул гарнизоналъул диваналъ къотIи гьабуна Валерий Пермяков 10 соналъ жаниве тIамизе. Гьесда чIвараб гIайиб – дезертирлъи ва ярагъ бикъи. Гьев гьеб гIайибалъе мукIурлъана. КватIичого Пермяковасе диван гьабизе байбихьила Армениялъул махIкамаялъги. Гьесде гIунтIизабулеб гIайиб – Аветисянил хъизам чIвай. Исана 12 январялда Пермяковас анкьго чи чIвана, гьезда гъорлъ кIиго гIисинав лъимер.