Армениялъул Гюмри шагьаралда арбагI къоялъ байбихьана Россиялъул рагъулав хъулухъчи Валерий Пермяковасул ишалда бараб диван.
Гьесде гIунтIизабулеб гIайиб – дезертирлъи ва ярагъ бикъи. Диваналъул данделъи тIобитIулеб буго гарнизоналъул рагъулаб махIкамаялда.
Пермяков ккун вуго исана январь моцIалда. Гьев гIайибиявлъун рикIкIула Аветисянил хъизам чIваялда. Анкьго чи чIван вуго гIаммаб къадаралда. Гьезда гъорлъ кIиго гIисинаб лъимерги.
Гюмриялдаги Ереваналдаги протесталъул акциял тIоритIана. ГIадамаз тIалаб гьабулеб букIана Пермяковасе Армениялда диван гьаби.