Туркиялда халат рахъунел руго Курдистаналъул ХIалтIул партиялъул яргъид гIуцIарал къукъабазул позициязде хIукуматалъул гьавадул къуватаз гьавадул гьужумал гьариялда разилъи гьечIел курдазул демонстрацияби.
Протесталъул акциял тIоритIула Истанбулалда, Измиралда ва Анкараялда. АнцI-анцI азарго курдаз тIалаб гьабулеб буго гьел гьужумал чIезари. Курдазул яргъид гIуцIарал рагъухъабаз «Исламияб пачалихъалде» данде рагъ бачунеб бугин гьединабго къеркьей гьабулеб бугин Туркиялъги.
Амма гьелда балагьичIого Диярбакыр шагьаралда полициялъ магIу чвахизабулеб газ хIалтIизабуна демонстрантазде данде. Ккун вуго къогогIан чи.