Грозныялъул диванханаялъ чIезабун буго Россиялъул ЦIех-рехалъул комитеталъ чачанав чIваялда сверун такъсир гьабиялъул иш рагьизе кколарин гьабураб хIукму мекъаб бугин. Дадаев Джамбулат чIван вукIана Грозныялда 19 апрелалда Ставрополалдаса полицияз кколев мехалда.
Гьедин лъазабуна Дадаевазул хъизаналъул адвокат Садаханов Заурбекица. Гьесго абуна гьеб хIукму къуваталде лъугьине бугин ацIго къоялдасан гьелда тIасан гIарза хъвачIониян.
Чачанлъиялъул бетIер Къадиров Рамзаница кьварун какун рукIана гьеб операция гьабурал ва гьелдаса хадуб гьес изну кьун букIана цоги регионаздаса иш дандбачIого республикаялде спецоперация гьабизе рачIарал къуваталъулазде кьвагьизе.