МагъчIваялъе рес

Дагъистаналъул ЦIумада мухъалда лъазабун буго КТО


Дагъистаналъул ЦIумада мухъалда 4 августалда рогьалилъ сагIат ункъо тIубаралдаса нахъе лъазабун буго терроралда данде чIараб операциялъул низам. Рагъулаз тIоритIулел ругила изну гьечIого яргъидгIуцIарал ва гьезие квербакъи гьабулел рагьиялъул тадбирал. Гьедин лъазабулеб буго низам цIунулез.

Дагъистаналда бугеб терроралда данде чIараб Миллияб комитеталъ «Интерфакс» сурсаталъе кьурал баяназда рекъон, гьезухъе щун руго мухъалда изну гьечIого яргъидгIуцIарал рукIиналъул баянал, гьел тIатинариялъе ва тIагIинариялъе шартIал чIезарулел ругила жидеца. Гьебго талат къо, 4 августалъул бакъанида бакIалъул гIадамаз лъазабухъе, мухъалда сихIкъотIи буго ва кинбагIаги кьвагьа-гIанхъи рагIулеб гьечIо.

XS
SM
MD
LG