МагъчIваялъе рес

Сергей Пугачев: Путинил букIана цохIого цо мурад - бечелъизе


Россиялъул Межпромбанкалъе кьучI лъурав экс-сенатор Сергей Пугачевас интервью кьуна КIудияб Британиялъул "The Guardian" газетаялъе. Гьес абуна Россиялъул президент Владимир Путинил байбихьуда хиял букIинчIин халатаб заманалда тIалъиялда вукIине.

Гьесул мурадлъун букIанин бечелъизе. Амма президентлъиялъул тIоцебесеб болжалалдаса нахъе гьес жиндирго букIинеселъул тIалаб-агъаз гьабулаго, гIадахъ босанин жиндирго рахъ ккуразул гьари ва хIукму гьабунин гIумруялъго ханлъи гьабизе. Пугачевасул рагIабазда рекъон улкаялда бугеб щинаб бечелъи Путинил контролалда гъоркь бугин – Газпром букIа, Роснефть букIа.

Гьав Пугачевасде Россиялъул низам цIунулез гIунтIизабулеб буго 30 миллиард гъурущ бикъиялъул гIайиб. 2013 соналъул декабрь моцIалда Россиялъ гьев лъазавуна халкъаздагьоркьосеб цIех-рехалда. Доб соналъул июль моцIалда гьес Россия тун, КIудияб Британиялде лъутана.

XS
SM
MD
LG