МагъчIваялъе рес

Бакуялда рос-лъади хIаракатчагIазе диван гьабулеб буго


Бакуялда байбихьана рос-лъади Лейла ва ГIариф Юнусил ишалда сверухъ диваналъул данделъи. Гьезде гIунтIизабулеб гIайиб - ватIаналъе хияналъи гьаби, хIилла-макру гьаби ва магъало кьунгутIи.

ГIарифги Лейлаги жидеде гIунтIизарулел гIайибазе мукIурлъулел гьечIо. Гьеб бугьтан бугин, абулеб буго гьез. 59 сон барай Лейлаги 60 сон барав Юнусги жанир тIамун ругоан цогидал жамгIиял хIаракатчагIаздаго ва журналистаздаго цадахъ.

Лейла ккола Бакуялда регистрация гьечIого хIалтIулеб паракъалъиялъул ва демократиялъул институталъул директор. Гьелъул рос тарихчи ГIариф Юнусица цIех-рех гьабулаан Кавказалъул регионалда рукIарал ва халат бахъунел конфликтазул. Хасго – МугIрул Гъарабахалъул.

XS
SM
MD
LG