«ГIазаб кьеялде данде комитет» абураб инсанасул ихтиярал цIунулеб гIуцIиялъул гIахьалчагIазул аслияб къадаралъ рахъ ккуна гьеб «къватIисел улкабазул агентазул» сияхIалде босиялъе гIоло жидерго гIуцIи къаялъул.
Комитеталъул бетIер Игорь Каляпиница лъазабуна, коммерциялъулаб гуреб гIуцIиялъ грантал хIисабалда щвараб кинабго гIарац нахъе буссинабунин. Гьесул рагIабазда, гIуцIи официалияб къагIидаялда къазе ккани, ракIаризе кколел руго финансаздаги буголъиялдаги хурхарал киналго документал ва гьелъие чанго къо къваригIине буго.
Каляпиница лъазабуна гьединго, жинцаги пиша цоязги гьоркьоб лъезе бугин инсангасул ихтиярал цIуниялъул хIаракатчилъи халат бахъинабиялъул суалин.
Гьаб соналъул январалда Минюсталъ комитет босана жиндилъ жакъаялде 75 коммерициялъулал гурел гIуцIи бугеб «къватIисел улкабазул агентазул» сияхIалде. «ГIазаб кьеялде данде комитет» гIуцIун букIана Нижний Новгород шагьаралъул инсанасул ихтиярал цIунулез 2000 соналда.