МагъчIваялъе рес

Туркиялъул рагъулаз чван вуго «Исламияб пачалихъ» абураб террористияб гIуцIиялъул нусго гIанав жигьадист


Туркиялъул рагъулаз чван вуго «Исламияб пачалихъ» абураб террористияб гIуцIиялъул нусго гIанав жигьадист. Гьелъул хIакъалъулъ лъазабулеб буго нижер радиоялъул гьеб улкаялда йигей мухбир Елена Солнцевалъ.

Туркиялъул авиациялъ кьаби швезабун буго «Исламияб пачалихъ» гIуцIиялъул Сириялда ругел позициязда. Гавар абураб росда аскIоб букIараб экстремистазул кIиго штатабалда авиакьабиял швезарун руго гIорхъи бахинчIого, Туркиялъул гьаваялъул гIатIилъиялдасаго.

Рагъулаб операция тIобитIун буго, Туркиялъул территориялдеги рачIун, Сириялъул гIорхъода аскIор ругел блокпостазде экстремистал тIадекIанцIун хадуб. Гьелъул хIасилалда хун вуго Туркиялъул рагъулав. КIиго чи лъукъунги вуго.

ТIолабго улкаялда полициялъ тIобитIулеб буго антитеррористияб операция. Диярбакыр ва Газянтеп провинциязда лъазабун буго рагъулаб ахIвал-хIал. Ккун вуго «Исламияб пачалихъ» гIуцIиялде хурхен букIиналъул щаклъи бугев 300-ялдасаги цIикIкIун чи.

XS
SM
MD
LG