Ракълил институт абураб халкъаздагьоркьосеб къокъаялъул Global Peace Index абураб бищунго рекъел бокьулел ва гIумру гьабизе хIинкъи гьечIел улкабазул 162 улкаялда рехсараб рейтингалда Россиялъ ккун буго 152 бакI, ай, сияхIалъул ахиралдаса анцIабилеб бакI.
Бищунго хIинкъи бугеб улкалъун рикIкIун буго Сирия, гьелда хадур унел руго ГIиракъ ва Афгъанистан. Бащунго кIудияб хIинкъи бугеб анцIго улкаялде гъорлъе ккун буго гьединго Жанубияб Судан, Централияб Африкаялъул республика, Сомали, Судан, Демократияб республика Конго, Пакистан ва Шималияб Корея. Украина рейтингалда буго 12 бакIалда.
Бищунго хIинкъи гьечIел улкабазда гъорлъ тIоцебесеб бакIалда буго Исландия. Гьелда хадуб унеб буго Дания, Австрия, Канада, Австралия ва цогидал.