Сириялъул гIорхъода аскIоб бугеб Туркиялъул Суруч шагьаралъул культурияб централда ккараб кьвагьиялъул хIасилалда хун вуго бищун дагь босун 28 чи. Туркиялъул хIинкъигьечIолъиялъул къуватазул хIисабалда, лъукъаразул къадар кколеб буго 100 гIунтIун чи.
Магърибалъул информалатаз кIвар буссинабулеб буго, тIадекIанцIи гьабураб культурияб центр Сириялъул Кобани шагьаралдаса анцIго гIанаб километралъул манзилалда букIиналде. Туркиялъул нухмалъиялъул пикруялда, гьеб кколеб буго теракт.
Reuters агентлъиялъе комментариял гьарурал Туркиялъул нухмалъиялъул вакильзабазул щаклъи буго гьеб «Исламияб пачалихъ» абураб гIуцIиялъул хIалтIи букIиналъул.