МагъчIваялъе рес

СагIудиязул ГIарабиялда 431 чи ккун вуго


СагIудиязул ГIарабиялъул Даммам шагьаралда бугеб шиитазул мажгиталде гьужум гьабун хадусала. 2015 соналъул 29 май.

СагIудиязул ГIарабиялъул тIадтараз лъазабуна, гьенив «Исламияб пачалихъалде» хурхен букIиналда щаклъи бугев 431 чи ккун вугин. Гьелдалъун цереккунго нахъ чIван ругин гьез хIинкъи гьечIолъи цIунулел аскариязде, мажгитазде ва дипломатиялъул идарабазде хIадур гьарулел рукIарал гьужумал.

Исана май моцIалда «Исламияб пачалихъалъ» жинда тIад босана СагIудиязул ГIарабустаналда бугеб шиитазул мажгиталде гьабураб гьужумалъул жавабчилъи. Гьелъул хIасилалда 25 чи чIван вуго.

XS
SM
MD
LG