Цолъарал Штатазул хиял буго Украиналъул яргъид гIуцIарал къуватазе гьабулеб рагъулаб яравуллъи гIатIилъизабизе, ян лъазабуна итни къоялъ Европаялда ругел Америкалъул къуватазул бетIер генерал Бен Ходжесица. ГьабсагIат Украиналда вуго Цолъарал Штатазул 305 рагъулав хъулухъчи. Рагъулал гIакълучагIи хIисабалда гьез Украиналъул миллияб гвардиялъул аскариял хIадур гьарулел руго хъулухъ гьабиялде.
Гьеб план ХъахIаб Рукъалъ къабул гьабуни, исана ноябрь моцIалда Америкалъул рагъулал инструктораз Украиналъул хIукуматалъул армиялдаги гьадинабго хIалтIи байбихьила.