Россиялъул Омск шагьаралда бугеб Гьавадул десантияб цIалул Централъул казарма биххун, 23 солдат чIван вуго. Ахиралде щвана гIадамал рала-гъалагьулеб хвасарчагIазул операция.
Россиялъул улка цIуниялъул министерлъиялъул вакил Игорь Конашенковасул рагIабазда рекъон гIаммаб къадаралда 42 солдат хвасар гьавун вуго, гьездаса 19-гояв азарханаялда вегизавун вуго.
Омскалде Москваялдаса тохтурзабазул къукъаби рачIанин. Омск икълималъул гIадлу-низам цIунулез абулеб буго балагьалъе гIиллалъун ккун бугин тасамахIлъи. Рагьун буго хасаб цIех-рехалъул иш.