ГIазаб кьеялде данде комитеталъул нухмалъулев Игорь Каляпиница лъазабуна гьеб инсанасул ихтиярал цIунулеб гIуцIи «къватIисел улкабазул агент» хIисабалда регистрация гьабиялъе гIоло бихизабулеб букIиналъул хIакъалъулъ.
8 июлалда Нижний Новгород шагьаралъул диваналъ нахъ чIвана гьеб гIуцIиялъул аппеляция ва ГIазаб кьеялде данде комитет I6 январалда «къватIисел улкабазул агентазул» сияхIалде босухъего хутIана.
Регионаздагьоркьосеб гIуцIи къаялъул хIукму къабул гьабизе бугин конференциялдайин, лъазабуна Каляпиница.
ГIазаб кьеялде данде комитет гIуцIун букIана 2000 соналда Нижний Новгород шагьаралъул инсанасул ихтиярал цIунулез. Россиялда гIадамазул ихтиярал цIуни гуребги, гьеб комитеталъ россиялъулазул интересал цIунулел рукIана Европаялъул инсанасул ихтияразул рахъалдаса диваналдаги.