МагъчIваялъе рес

ОБСЕ-ялъул Парламентияб Ассамблеялъул данделъи рагьана


Нарышкиние нух къан букIана Финляндиялде

Хельсинкиялда рагьун буго Европаялда ХIинкъи ГьечIолъи цIуниялъул ва рекъон хIалтIи гьабиялъул гIуцIиялъул Парламентияб Ассамблеялъул санайил данделъи. Москваялъул хиял буго гьеб данделъиялда дагIба базе дагьалъ цебе Россиялъул Пачалихъияб Думаялъул спикер Сергей Нарышкиние ва гьесдаго цадахъ жеги щуго депутатасе Финляндиялде нух къан букIиналда.

Финляндиялъул тIадтараз гьединаб хIукму гьабуна Евроцолъиялъ Россиялде данде гьабураб санкционияб сияхIалда балагьун. СияхI гIуцIун букIана Россиялъ Крымалъул аннексия гьабун букIиналъухъ ва Донбассалда рагъдолел сепаратистазе квербакъи гьабуледухъ.

Парламентариязде данде санкциял хIалтIизаризе бегьулищали абураб суал дандбазехъин буго ОБСЕ-ялъул парламентияб Ассамблеялда.

XS
SM
MD
LG