Пакистаналъул полициялъ ццим бахъарал бусурбабаздаса хвасар гьаруна ГIисалдиналъул рос-лъади. ХIужа ккана Пенджаб вилаяталъул Макки абулеб росулъ. ГIиллалъун ккана гьадинаб хIужжа. Гьел насранияз бусен хIисабалда цо игIлан хIалтIизабулеб букIанин шаршав хIисабалда. ИгIланалда тIад Къураналъул аятал хъван рукIана. Гьеб бихьарал гIадамаз гьезда тIадекIанцIун квешго рухана. Хадуб полиция бачIун гьел хвасар гьаруна. Гьадин лъазабуна журналистазде бакIалъулаб полициялъул бутIаялъул бетIер Зафар Чатхаца.