Россиялъул цIех-рехалъул комитеталъ цIидасан цIех-рех гьабизе байбихьана 1998 соналда Нефтеюганск шагьаралъул мэр Владимир Петухов чIваялъул. Щаклъи буго гьелда ЮКОС кампаниялъул вукIарав бетIер Михаил Ходорковскиясул хурхен букIиналда, ян абулеб буго цIех-рехчагIаз.
Гьезул пикруялда батизе бегьула Ходорковскияс гьеб такъсир тIад къан букIанин. ЦIияб цIех-рех байбихьана цо-цо цIиял далилал ва хIужаби тIатинарун рукIиндал, ян лъазабулеб буго официалияб сайталда.