МагъчIваялъе рес

Тунисалда къалел руго мажгитал


Тунисалъул хIукуматалъ лъазабуна, улкаялда къазе бугин пачалихъалъул контролалда гъоркь гьечIеб 80 мажгитин. Премьер-министр ХIабиб Эссидица гьел мажгитазда гIайиб гIунтIизабуна, гьез гIадамал зулмуялде гьесизарулел ругинги абун ва лъазабуна анкьалда жаниб гьел къалел рукIиналъул хIакъалъулъ.

Рузман къоялда Сус шагьаралда аскIоб бугеб, аслияб къагIидаялда Европаялдаса туристал рукIунеб, Imperial Marhaba абураб отелалде гьабураб тIадекIанцIиялъул хIасилалда хвана 39 чи. ГIемер чи лъукъунги вуго.

Отелалъул минаялда аскIоб бугеб пляжалдае щварав мехалда яргъид гIуцIарас байбихьун буго кьвагьдезе. Полициялъулаз гьев чIван вуго хадуб.

Гьеб тIадекIанцIиялъул жавабчилъи жиндего тIаде босун буго «Исламияб пачалихъ» абураб радикалиял исламистазул гIуцIиялъ.

XS
SM
MD
LG