Ереваналъул централда Баграмянил проспекталда шамат къоялъ радал нахъе бахъана протесталъул акциялъул гIахьалчиясул чадир. Гьелъул хIакъалъулъ лъазабулеб буго «Интерфакс» агентлъиялъ.
Информалатазул лъазабиязда рекъон, рузман къоялъул маркIачIуда Ереваналда тIобитIана бищунго гIемер гIадамал гIахьаллъараб ва гьал къоязда бищунго хIалуцараб протесталъул акция. ГIадамаз нухазде рахъун транспорталъул хьвади чIезабун букIун буго.
Нухмалъиялъ парламенталъул минаялде ва президентасул кIалгIаялде нух къарал полициялъул къуватазул къадар цIикIкIинабун буго.
Армениялъул президент Серж Саргсяница цебесеб къоялъ лъазабуна, протест гьабулеб гьечIин Россиялде дандейин.
Электроэнергиялъул багьа цIикIкIинабиялда хурхарал нухмалъиялъул планазде данде протесталъул акция Ереваналда байбихьана I9 июналда. Хадуб гьел планазде данде рази гьечIолъи загьир гьабиялъул тадбирал тIоритIана гьединго улкаялъул цоги шагьаралдаги.