Армениялда электроэнергиялъул багьа борхиялде данде протесталъул акциялъул лидераз хIукуматалде тIалабал дагьалъги гIатIилъизаруна.
Акция гIуцIулезул цояв Вагинк Шушаняница лъазабуна, гьанже демонстрантаз талъиялдаса тIалаб гьабулеб бугин гьединго 23 июналда демонстрантазде данде къуват хIалтIизабурал полициялъулазе, гьезие гьединаб буюри кьуразда цадахъго тамихI гьабийин. Гьедин гурони жидеца Ереваналъул аслияб къватIалдаса транспорталъул хьвади рагьизе рес кьезе гьечIин, жубалеб буго гьес.
Шушаняница гьединго абулеб буго, жидеца гьединго тIалаб гьабулеб бугин, 2014 соналда хIалтIизаризе байбихьарал электроэнергиялъухъ тарифазул цIидаса ххал гьабигийин. Гьелъ Армениялда электроэнергиялъул багьа гIодобе бачине бугьулин.