Щвалде щварал тунка-гIусиял Украиналъул машрикъалъул рахъалда цIилъизе бегьиялъул хIинкъи гьанжеги хутIулеб бугин, лъазабуна НАТОялъул бетIер Йенс Столтенбергица. Гьес Россия ахIана Донбассалда ругел сепартатистазе квербакъиялдаса инкар гьабиялде.
НАТО - Украина мажлисалъул данделъи рагьулаго, Столтенбергица лъазабуна, рагъулаб конфликталъул зонаялда кьвагьдеялдаса инкар гьабиялъул режим хвезабулеб бугин ва Москваялъ сепаратистал хIадур гьариялъул ругьунлъиялги халат рахъинарулел ругин.
Альянсалъул бетIерас кIвар буссинабуна, НАТОялъ цебего гIадин Украиналъул территориалияб тIолголъиялъул ва лъиданиги бачIоголъиялъул рахъ кколеб букIиналде.
Россиялъ киналго гIайибал нахъ чIвалел руго.