АрбагI къоялда Ереваналда халат бахъана 1 августалдаса электроэнергиялъухъ багьа цIикIкIинабиялде данде протесталъул акция.
Гьелъул гIахьалчагIаз лъабабилеб къоялъ Эркенлъиялъул майданалда позицияби ккун руго кодобе щвараб жоялдаса гIуцIарал баррикадабазда нахъ.
24 июналда полициялъул бетIер Ашот Карапетяница протесталъул гIахьалчагIи ахIана ракълилаб къагIидаялда гьеб инцидент лъугIинабун, нахъе иналде.
Цебесеб къоялда полициялдаги акциялъул гIахьалчагIаздаги гьоркьоб ккараб тунка-гIусиялъул хIасилалда зарал ккана гIемер чиясе.