Талат къоялда нус-нус чи вакIарун вукIана Ереваналъул централда бугеб Эркенлъиялъул майданалда 1 августалдаса электроэнергиялъухъ багьа цIикIкIинабиялде данде протест загьир гьабиялъул мурадалда.
«Интерфакс» агентлъиялъ лъазабухъе, акция гIуцIаразда ракIалда рагIула жидерго тIалабаздаса инкар гьабичIого чIезе ва къанунияб къагIидаялда акция халат бахъинабизе, цебесеб къоялъ хъачIаб къагIидаялда акциялъул гIахьалчагIи риха-хочинарун рукIаниги.
Полициялъул лъазабиялда рекъон, ккун вуго 237 чи, зарал ккун буго анкьго акциялъул гIахьалчиясеги 11 полициялъуласеги.
Гьебго заманалда Армениялъул сахлъи цIуниялъул идараялъ лъазабулеб буго медикияб кумекалда хадур вачIарав 15 чиясул хIакъалъулъ. Ккуразда хурхун рагьун буго «хулинганлъи» статялъул такъсирияб иш.