Ираналъул къватIисел ишазул идараялъул бетIер Джавад Зарифица рикIкIунеб буго гьезул ядерияб программаялда сверун кIалъа-басаял I июлалда хадурги халат рахъине бегьулин.
«Ираналъ рикIкIунаро ядерияб контракт гIицIго I июлалде щвезегIан гъулбасизе кколин. Нижеца рикIкIуна, тIоцебего гьеб къотIи-къай букIине кколин мухIканабги щвалде щварабгийин» - ян лъазабуна Зарифица.
Дипломатасул рагIабазда, кIалъа-басаял халат рахъине бегьула цебе чIезабун букIараб заманалда хадубги.