19 июналда бахъараб санайилаб докладалда Цолъарал Штатаз Ираналде гIунтIизабулеб буго терроризмалъе квербакъи гьабулеб букIиналъул гIайиб.
Пачалихъияб департаменталъул документалда кIвар буссинабулеб буго, 2013 соналда Исламияб республикаялъул президентасул хъулухъалде ХIасан РоухIани вищун хадуб, Ираналъул ядерияб программаялда сверун гьабизе бегьулеб къотIи-къаялъул фоналдацин ГIагараб Машрикъалда Тегераналъ билъанхъизабулеб политикаялда, гьелдаго гъорлъ террористиял гIуцIиязе квербакъи гьабиялъул суалалда, хиса-басиял ккун гьечIолъиялде.