Евроцолъиялъ рузман къоялда хIукму гьабуна Крымалде данде лъазарурал санкцияби цо соналъ халат рахъинаризе. Ай, гьел халат рахъине руго 2016 соналъул 23 июналде щвезегIан.
Гьеб хIукмуялда рекъон, гьукъулеб буго Крымалъул бащдабчIинкIиллъиялде Украиналда таможениял тадбирал тIобитIичIеб къайи бичизе. ТIубанго гьукъун буго гьенире инвестициял гьаризе.
Гьеб гуребги Евроцолъиялъ инкар гьабулеб буго Россиялъул паспортал ругел крымалъулазе визаби кьезе. Гумузе гьукъулеб буго Евроцолъиялъул портазде рачIине ва аэропланазе - цолъиялъул улкабазул аэропортазда чIезе.