Мисралъул диваналъ кIиабилеб нухалдаги хвелалъул тамихI къотIун буго тIаса рехун вукIарав президент МахIамад Мурсие. Гьаб нухалда аслияб гIайиблъун бихьизабуна туснахъал эркен гьариялъул акция гIуцIи ва полициялъул хIалтIухъабазде тIадекIанци гьаби.
Гьел гIайибал хурхинарулел руго 2011 соналда гIемер соназ Мисралъул нухмалъуда вукIарав Хосни Мубаракил режим тIаса реххулеб мехалда ккарал тунка-гIусиязул заманалда.
ТIоцебесеб нухалда Мурсие ва гьесул рахъ кколев нусго гIанав чиясе чIваялъул тамихI къотIун букIана диваналъ маялда.
Талат къоялда цогидал гIайибазда хурхун диваналъ къотIун букIана тIолабго гIумруялъул туснахъалъул тамихIги.