Британиялъ жиндирго хасал хъулухъазул агентал гIемерисел улкабаздаса нахъе ахIулел руго гьезул хIаракатчилъиялда хурхараб балъгояб информация Россиялъухъеги Китаялъухъеги щвеялда бан.
Гьелъул хIакъалъулъ Би-Би-Си агентлъиялда лъазабун буго хIукуматалъул кIудияв хъулухъчияс.
The Sunday Times газетаялъ хъвалеб буго, Москваялдаги Пекиналдаги бажарун бугин миллионалдасаги цIикIкIун балъгояб файл рагьиялъе рес кьолел кодал баянлъизаризе Цолъарал Штатазул ЦРУялъул вукIарав хIалтIухъан Эдвард Сноуденил кумекалдалъунин. Гьеб информациялъ къватIиб чIвазабулеб рагIула британиялъулги америкаялъулги хасал хъулухъазул агентазул хIалтIул къагIидаби ва тIатинарулел рагIула гьел жалгоги.
Гьелъие гIоло Британиялъул МИ-6 абураб хасаб хъулухъалъ жиндирго хIалтIухъаби ахIулел руго рукъуре, амма кинал улкабаздасаяли, лъазабулеб гьечIо.