Human Rights Watch абураб халкъаздагьоркьосеб инсанасул ихтиярал цIунулеб гIуцIиялъ Россиялъул нухмалъи ахIулеб буго нахъе тIамичIого «Новая газетаялъул» журналист Елена Милашиналъе кьолел хIинкъиязда хурхун цIех-рехх гьабиялде.
Гьеб гIуцIиялъул нухмалъулев Хью Уильямсоница кIвар буссинабуна «Грозный Информ» агентлъиялъул директор Мавсар Бараевас жидерго сурсаталда бахъараб макъалаляда бицунеб кколин хIакъикъаталдаги гьелъие хIинкъиял кьейин.
Жибго «Новая газетаялъги» загьир гьабун буго гьединабго пикру. Милашиналде кьолеб «хасаб кIваралъе» багьаналъун рикIкIунеб буго гьелъ дунялалдаго машгьуралъараб 57 сон барав чачаназул полициялъул бутIаялъул бетIерасулги 17 сон барай ясалъулги ригьиналъул хIакъалъул бахъараб макъала.