Латвиялъул Улка цIуниялъул министерлъиялъ лъазабуна, НАТОялъул рагъул къуватазул ругьунлъиял унеб Адажи шагьаралда аскIоб бугеб рагъулаб базаялда Россиялъул кIиго гражданав кквеялъул хIакъалъулъ.
«Росбалт» агентлъиялъ лъазабухъе, ккуразухъ ратIун руго Георгиил байрахъ ва инглис мацIалда хъварал тIанчал. «Балтком» абураб радиостанциялъе интервью кьолаго «Другая Россия» абураб партиялъул лидер Эдуард Лимоновас лъазабуна, Национал-большевиказул гьукъараб партиялъул хIаракатчагIи Адажи базаялъул территориялде рорчIанин.