Украиналъул машрикъалъул рахъалда тунка-гIусиял чIезариялъе цIакъ къаригIараб жо ккола Минскалъул къотIи-къаял туразарийин, лъазабуна Россиялъул президент Владимир Путиница Миланалда Италиялъул премьер-министр Маттео Ренцильгун цадахъаб пресс-конференциялда.
Россиялъул бетIер «EXPO-2015» абураб халкъаздагьоркьосеб экспозициялда къабул гьавулаго, Ренцица лъикIаб къимат кьуна «гIадатияб къагIидаялда кIиябго улкаялъул лъикIал гьоркьорлъиязе». Амма ругин цо-цо суалазда хурхун пикраби дандеккунгутIиялгиян, жубана Италиялъул премьерас.
Путиница Италиялде жиндирго визит тIобитIана халкъаздагьоркьосеб «анкьилабалъул» саммит лъугIун кIиго къоялдаса. Гьелъул гIахьалал рахъаз лъазабуна Россиялде данде санкцияби халат рахъинариялъул хIакъалъулъ.